Eks-ministr Bondar ažaniŭsia sa svajoj studentkaj — roźnica va ŭzroście bolš za 25 hod
Na minułym tydni straciŭ pasadu 47-hadovy ministr kultury Juryj Bondar (uznačalvaŭ viedamstva u 2017-2020). Da taho jon byŭ rektaram Biełaruskaha dziaržaŭnaha ŭniviersiteta kultury i mastactvaŭ.
Paśla jaho adstaŭki 21-hadovaja vypusknica Univiersiteta kultura Alina Stelmakova (sioleta skončyła ŭniviersitet) raźmiaściła voś takoje fota ŭ svaim instahramie, supravadziŭšy jaho dopisam «Usio budzie dobra!».
Na pytańni ŭ kamientarach dziaŭčyna adkazała, što «vyjšła zamuž 8 miesiacaŭ tamu», paśla čaho pačała prymać vinšavańni ad znajomych, jakija pra toje i nie viedali.
Uličvajučy fota, nie zastajecca sumnievaŭ — jana vyjšła zamuž za Bondara.
Treba skazać, što niezvyčajny sajuz Aliny i Juryja doŭhi čas byŭ pradmietam abmierkavańniaŭ i kpinaŭ biełaruskaj viertykali.
Alina pastupiła ŭ BDUKI, dzie rektaram byŭ Bondar, u 2017-m.
Nieviadoma, kali kankretna ich złučyli pačućci, ale ŭžo ŭ 2018-m, kali Bondar byŭ ministram, Alina vyjhrała konkurs pryhažości ŭ svaim univiersitecie, potym stała «Mis Viasna» horada Minska i znachodziła pryznańnie svaich talentaŭ u mnohich inšych konkursach.
Była navat viadučaj adnoj ź siekcyj «Słavianskaha bazaru» i ŭspłyvała siabram biełaruskaj delehacyi na mižnarodnych mierapryjemstvach, dzie taksama prysutničaŭ Juryj Bondar.
Złyja jazyki zadavalisia pytańniem, jakaja va ŭsim hetym moža być rola Bondara, ale žurnalistam jon na takoje nie adkazvaŭ i tolki dziakavaŭ za intares i abiacaŭ zaprasić na viasielle. Praŭda, abiacańnia nie strymaŭ.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary