«Źmiaścili ŭ karcar, nie dazvolili adšpilić łožak ad ściany. To-bok spać prapanavali na hołym chałodnym bietonie, — raskazaŭ minski pradprymalnik Źmicier Daškievič, jakoha zatrymali ŭčora 25 kastryčnika.
— Zmyŭ nie pracuje, vady ŭ karcary niama zusim, nie dali navat butelku vady, kab zmyć tualet. Ja nikoli nie byŭ u takich umovach za ŭsiu historyju svaich źniavoleńniaŭ u roznych miescach Biełarusi. Sutykaŭsia z tym, što davodziłasia spać na doškach, ale nikoli nie było takoha, kab u kamiery — tolki hoły bieton. Zapytaŭsia ŭ načalnika IČU, ci heta pa zakonie, toj śćviarždžaje, što tak, heta nibyta zakonna».
Jaho słovy pierakazaŭ «Našaj Nivie» Jura Sidun, siabar siamji Daškievičaŭ, jaki prysutničaŭ u sudzie Maskoŭskaha rajona Minska.
Źmicier Daškievič zajaviŭ pra niedavier sudovaj sistemie ŭ suviazi z katavańniami ŭ IČU.
Sudździa abvieściła pierapynak u pasiedžańni da zaŭtra da 9:30.
Zatrymanaha razam sa Źmitrom Daškievičam chryścijanskaha aktyvista Arcioma Tkačuka sudździa Maskoŭskaha suda Minska Siarhiej Kacar siońnia asudziŭ na 12 sutak aryštu, choć Tkačuk prasiŭ abmiežavacca štrafam, bo maje dvuch maleńkich dziaciej: paŭtara i čatyry hodziki.
U Daškieviča dziaciej troje, usie daškolnych hadoŭ.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary