«Vy z aŭtorka staicie, čamu nie prahałasavali?» U Homieli dyrektar škoły nie puściŭ vybarcaŭ na ŭčastak
Na vybarčy ŭčastak, jaki arhanizavany ŭ homielskaj škole №66, nie puścili piaciarych naziralnikaŭ, jakija zajavili pra svajo žadańnie prahałasavać na vybarach. Videa incydentu, jaki adbyŭsia 7 žniŭnia, apublikavali ŭ jutubie, paviedamlajuć «Mocnyja naviny».
Napiaredadni naziralniki padali zajavu ŭ milicyju ab značnym zavyšeńni jaŭki ŭ pratakołach kamisij na dvuch učastkach, raźmieščanych u škole. Na nastupnuju ranicu ich nie puścili na vybarčy ŭčastak ni ŭ jakaści naziralnikaŭ, ni ŭ jakaści vybarščykaŭ.
«U nas jość pašpart, my adnosimsia da ŭčastka i chočam prahałasavać», — skazała adna z naziralnic.
Adnak dyrektar škoły vyhnaŭ ludziej ź jaje terytoryi. Jon skazaŭ, što naziralniki stajać tam ad aŭtorka i zadaŭ pytańnie: «Čamu nie prahałasavali raniej?»
Ciapier čytajuć
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony14
Kamientary