«Na praciahu paŭhoda buduć kiravać tyja ž čynoŭniki, što i ciapier. A paśla novyja vybary» — prahrama Śviatłany Cichanoŭskaj
Śviatłana Cichanoŭskaja apublikavała vybarčuju prahramu «Kraina dla žyćcia. Kraina dla našych dziaciej». U joj kandydatka raskazvaje historyju svajho aryštavanaha muža Siarhieja Cichanoŭskaha, taksama abiacaje pravieści novyja prezidenckija vybary i refierendum ab Kanstytucyi na praciahu paŭhoda.
«Paśla majoj pieramohi na vybarach na praciahu pierachodnaha pieryjadu krainaj buduć kiravać tyja ž čynoŭniki, što i ciapier, za vyklučeńniem tych, chto hruba i adkryta parušaŭ zakon. Tych, chto sydzie ŭ adstaŭku, zamieniać prafiesijanały ź liku dziaržaŭnych słužačych», — adznačaje Cichanoŭskaja.
«Ja pryznaču praviadzieńnie refierendumu z prapanovaj viarnucca da pieršapačatkovaj redakcyi Kanstytucyi 1994 hoda, jakaja skaračaje paŭnamoctvy prezidenta, ustanaŭlivaje abmiežavańnie na kolkaść terminaŭ znachodžańnia na pasadzie i zabiaśpiečvaje padzieł uład. Refierendum budzie pravodzicca adnačasova z vybarami prezidenta.
Ja adnaŭlu zakonnaść u śfiery kryminalnaha i administracyjnaha pracesu. Spravy ŭ dačynieńni da palitviaźniaŭ buduć spynienyja. Praviadziom amnistyju dla tych, chto ŭpieršyniu ŭčyniŭ niaciažkija złačynstvy, u tym liku dla dziaciej, asudžanych pa artykule 328. Usie niepravasudnyja pryhavory i pastanovy za pieryjad vybarčaj kampanii buduć admienieny ź viartańniem vypłačanych štrafaŭ i vypłataj kampiensacyj paciarpiełym. Dla zabieśpiačeńnia nahladnych funkcyj na pierachodny pieryjad mnoju buduć pryznačany novy hienieralny prakuror i novy staršynia Viarchoŭnaha suda», — havorycca ŭ prahramie.
Paśla Cichanoŭskaja tłumačyć, što razumieje pad vyrazam «viarnuć krainu ludziam» — stvarać rabočyja miescy ŭ Biełarusi, dać mahčymaść pracavać i zarablać, źniać barjery dla raźvićcia małoha i siaredniaha biznesu.
«Niezaležnaść — naša absalutnaja kaštoŭnaść, my jaje nie pradajom, nie handlujem, nie abmiarkoŭvajem. My pavinny stvaryć partniorstva na roŭnych, a nie zaležnaść ad hazavaj abo kredytnaj «ihołki»», — padsumoŭvaje Cichanoŭskaja.
Mikoła Buhaj: Treba pieraharnuć staronku 2020-ha i pačać žyć novymi realijami53
Kamientary