Kaleśnikava padała chadajnictva ŭ KDB na źmianieńnie miery strymańnia Babaryku FOTA
Pradstaŭnica štaba Babaryki Maryja Kaleśnikava padała chadajnictva ab paručycielstvie za Viktara Babryku. U im prosicca źmianić mieru strymańnia ŭ vyhladzie zaklučeńnia pad vartu. Z takimi ž chadajnictvami da budynka KDB siońnia a 16-j pryjechała ź dziasiatak čałaviek. Pad ścienami dziažuryli siłaviki ŭ štackim i busiki.
«Sa mnoj usie byli vietlivymi, navat paśmichalisia», — skazała Kaleśnikava paśla taho, jak vyjšła z-za mietaličnych dźviarej KDB. Pra toje, što litaralna za 20 chvilin da hetaha zatrymali žurnalistaŭ, jakija pryjechali aśviatlać padziei, jana jašče nie viedała.
Sieńnia ŭ telehram-kanałach źjaviłasia taksama paviedamleńnie pra pieravod Babaryki ź SIZA KDB u izalatar na Vaładarskaha. Advakat Illa Salej kaža, što jany paćviardžeńnia hetaj infarmacyi nie majuć.
«Ź Viktaram Dźmitryjevičam usio dobra, čytaje knihi», — koratka prakamientavaŭ jon stan byłoha ŭdzielnika prezidenckaj honki.
Adkazać na chadajnictva pavinny ŭ bližejšyja niekalki dzion.
Siońnia kala budynka KDB było zatrymana niekalki žurnalistaŭ, jakija pryjšli aśviatlać padaču chadajnictva: Kaciaryna Andrejeva, Halina Abakunčyk (Biełsat), Alena Taŭkačova (Tut.by), Andrej Sialicki, Illa Illaš, Nasta Kachanovič, Maksim Harčanok, Natalija Abłažej, Tania Kapitonava.
Žurnalisty paźniej byli adpuščanyja.
Adnak paśla padačy chadajnictva taksama byli zatrymanyja niekalki čałaviek.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary