Ministr enierhietyki pryznačany pradstaŭnikom dziaržavy ŭ Biełhazprambanku
Ministr enierhietyki Viktar Karankievič pryznačany pradstaŭnikom dziaržavy ŭ orhanach kiravańnia AAT «Biełhazprambank». Rašeńnie praduhledžana sumiesnaj pastanovaj Savieta ministraŭ i Nacyjanalnaha banka, apublikavanym u piatnicu na nacyjanalnym pravavym internet-partale.
Rašeńni ab pryznačeńni kiraŭnika Minenierha pradstaŭnikom u Biełhazprambanku pryniata ŭ adpaviednaści z Ukazam prezidenta ad 19 lutaha 2008 hoda «Ab niekatorych pytańniach ułaśnickaha nahladu», adznačajecca ŭ pastanovie.
Paśla zatrymańnia eks-kiraŭnika Biełhazprambanka Viktara Babaryki i jašče kala 20 čałaviek pa abvinavačvańniach va ŭchileńni ad vypłaty padatkaŭ u asabliva bujnym pamiery, lehalizacyi srodkaŭ, atrymanych złačynnym šlacham u asabliva bujnym pamiery, dačy i atrymańni chabaraŭ, Nacyjanalny bank Biełarusi ŭvioŭ časovuju administracyju pa kiravańni Biełhazprambankam. Jaje ŭznačaliła eks-kiraŭnik Nacbanka Nadzieja Jermakova.
Sprava Biełhazprambanka była raspačataja paśla taho, jak Viktar Babaryka zajaviŭ pra svoj udzieł u prezidenckich vybarach.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary