Na Čeračnia cisnuć, kab jon pryznaŭ 143 tysiačy podpisaŭ, jakija jamu «naličyła» CVK
Pavodle infarmacyi «Našaj Nivy», jakuju paćvierdzili adrazu try niezaležnyja adna ad adnoj krynicy, na patencyjnaha kandydata ŭ prezidenty Siarhieja Čeračnia z boku ŭładaŭ akazvajecca cisk pa pytańni pryznańnia 143 tysiač podpisaŭ, jakija jamu «naličyła» Centralnaja vybarčaja kamisija.
Kamanda Siarhieja Čeračnia zrabiła zajavu, što ŭ terytaryjalnyja vybarčyja kamisii było zdadziena 106 500 podpisaŭ. Tym nie mienš CVK ahučyła aficyjnyja ličby, što ŭ padtrymku Čeračnia było zdadziena 143 100 podpisaŭ.
Faktyčna niadkul uzialisia 36 600 podpisaŭ. Adkul uziałasia hetaja ličba? «Heta pytańnie ŭžo nie da nas», — adkazvajuć u pres-słužbie.
U vyniku z Čeračniem pravodzilisia prafiłaktyčnyja hutarki, kab jon pryznaŭ svaju «pamyłku» i publična zhadziŭsia ź ličbaj, ahučanaj u CVK. Sam pretendent nie nazyvaje viedamstva, pradstaŭniki jakoha cisnuli na jaho.
Kampramisam stała iraničnaja zaŭvaha na sajcie palityka i sacyjalnych sietkach:
«Sabranaj, pravieranaj i padadzienaj nami kolkaści podpisaŭ dla rehistracyi dastatkova. 143 109 podpisaŭ, jakija zastalisia paśla pravierki CVK, dla rehistracyi taksama dastatkova.
My vystupajem za dalejšy ŭdzieł usich demakratyčnych siłaŭ u hetych vybarach dla pieramienaŭ, nieabchodnych Biełarusi», — havorycca ŭ zajavie.
Kažuć, što paśla hetych razmovaŭ Siarhiej Čeračań byŭ u pryhniečanym psichałahičnym stanie.
Sam jon nie admaŭlaje i nie paćviardžaje historyju.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary18
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary