«Livierpul» vyjhraŭ čempijanat anhlijskaj premjer-lihi. Kłub jašče pierad karancinam pa-hihancku adarvaŭsia ad kankurentaŭ, i sprava čempijonstva była vyklučna techničnaja.
U sieradu kłub razhramiŭ «Krystas Pełas» 4:0 i čakaŭ vyniku matča «ManSici» — «Čełsi». Treba, było kab kamanda z Mančestera nie vyjhrała, a jana ŭziała i prajhrała — 1:2.
Takim čynam za 7 turaŭ da zakančeńnia čempijanatu «Livierpul» nie dasiahalny dla kankurentaŭ. U jaho 86 bałaŭ, u ManSici — 63.
«Livierpul» staŭ čempijonam upieršyniu z 1990 hoda. Hod tamu jon sastupiŭ «Sici» ŭ nievierahodnaj honcy ŭsiaho adzin bał. Usiaho ŭ «miersisajdcaŭ» 19 tytułaŭ, u «Mančestar Junajted» — 20, pryčym bolšaść uziatyja akurat paśla 1992 hoda.
Vinšujem zaŭziataraŭ «Livierpula» z čempijonstvam. Vy jaho čakali 30 hadoŭ. My viedajem, što siarod našych čytačoŭ ich niamała!
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary