«Ліверпуль» выйграў чэмпіянат англійскай прэм'ер-лігі. Клуб яшчэ перад каранцінам па-гіганцку адарваўся ад канкурэнтаў, і справа чэмпіёнства была выключна тэхнічная.
У сераду клуб разграміў «Крыстас Пэлас» 4:0 і чакаў выніку матча «МанСіці» — «Чэлсі». Трэба, было каб каманда з Манчэстэра не выйграла, а яна ўзяла і прайграла — 1:2.
Такім чынам за 7 тураў да заканчэння чэмпіянату «Ліверпуль» не дасягальны для канкурэнтаў. У яго 86 балаў, у МанСіці — 63.
«Ліверпуль» стаў чэмпіёнам упершыню з 1990 года. Год таму ён саступіў «Сіці» ў неверагоднай гонцы ўсяго адзін бал. Усяго ў «мерсісайдцаў» 19 тытулаў, у «Манчэстар Юнайтэд» — 20, прычым большасць узятыя акурат пасля 1992 года.
Віншуем заўзятараў «Ліверпуля» з чэмпіёнствам. Вы яго чакалі 30 гадоў. Мы ведаем, што сярод нашых чытачоў іх нямала!
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары