«Akademkniha» zaprašaje: 17 červienia — aŭtohraf-siesija Alhierda Bachareviča z nahody vychadu novaj knihi
Kniharnia «Akademičnaja kniha» (pr.Niezaležnaści, 72). Pačatak a 16.00.
U sieradu, 17 červienia, ad 16 da 19 hadziny, projdzie aŭtohraf-siesija Alhierda Bachareviča z nahody vychadu jaho novaj knihi «Apošniaja kniha pana A.»
«Ja zajzdrošču dzieciam. Im dazvolena vieryć u kazki, a nam nie. Bołyš za ŭsio na śviecie darosłyja lubiać kazki, ale ludziam soramna ŭ hetym pryznacca», — kaža hieroj novaj knihi Bachareviča. Kab spłacić doŭh kredytoru, piśmieńnik-daŭžnik piša kazki — i ceły miesiac kožny viečar čytaje ich biessaromnym darosłym. 3 kožnym dniom kazačny śviet apaviadalnika robicca ŭsio bolš realnym, a realnaść, u jakoj adbyvajecca dzieja, pačynaje ŭsio bolš pieratvaracca ŭ kazku — tak što ŭrešcie miaža miž fantazijaj i javaj kančatkova ścirajecca.
Bacharevič u «Apošniaj knizie pana A.» znoŭ rasčyniaje dźviery ŭ svoj mastacki śviet: tak padmanliva znajomy nam z navakolnaj štodzionnaści i tak dzivosna nierealny, tryvožny, čaroŭny i strašny.
Padčas aŭtohraf-siesii knihu možna budzie nabyć sa źnižkaj u 10%.
Kniharnia zabiaśpiečyć zachavańnie sanitarnych normaŭ i patrabavańniaŭ biaśpieki ŭ časie imprezy.
Nabyć hetu dy inšyja novyja vydańni i biestsielery možna ŭ kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648
Ciapier čytajuć
Jakija damoŭlenaści byli ŭ amierykancaŭ z Łukašenkam pa vyzvaleńni palitviaźniaŭ? Tłumačyć Viačorka6
Kamientary