Mižnarodnaja arhanizacyja pracy patrabuje ad uładaŭ Biełarusi viarnuć pašparty vyzvalenym lidaram prafsajuzaŭ
Administracyjnaja rada Mižnarodnaj arhanizacyi pracy razhledzieła stanovišča z pravami pracoŭnych u Biełarusi i pryniała rašeńnie, u jakim patrabuje, kab biełaruskija ŭłady viarnuli pašparty ŭsim vyzvalenym 11 vieraśnia z turmy i departavanym z krainy lidaram i aktyvistam niezaležnych prafsajuzaŭ, piša «Radyjo Svaboda».
Pra heta paviedamiŭ u fejsbuku staršynia Kanhresa niezaležnych prafsajuzaŭ Alaksandr Jarašuk, jaki paśla vyzvaleńnia byŭ taksama prymusova vyviezieny ŭ Litvu. Jon adznačyŭ, što pradstaŭnica Biełarusi pry adździaleńni AAN ŭ Ženievie Łarysa Bielskaja nie čakała takich vynikaŭ i nastojvała na pierahałasavańni, kali ich ubačyła.
Jarašuk nahadaŭ, što ŭ svoj čas Biełaruś atrymała najstražejšaje pakarańnie, praduhledžanaje statutam MAP — prymianieńnie parahrafa 33, jaki za ŭsiu historyju arhanizacyi vykarystoŭvali tolki adnosna Mjanmy i Biełarusi. Pry hetym biełaruskija ŭłady admovilisia ad dyjałohu sa śpiecyjalnym pasłańnikam MAP i nie vykanali patrabavańniaŭ hetaha parahrafa. Bolšaść členaŭ Administracyjnaj rady MAP krytyčna acaniła dziejańni biełaruskaha boku, u toj čas jak pradstaŭnik urada Biełarusi abvinavaciŭ MAP u praduziataści.
Rašeńnie, u jakim adnym z hałoŭnych punktaŭ abaznačana viartańnie pašpartoŭ Alaksandru Jarašuku i inšamu prafsajuznamu lidaru Hienadziu Fiadyniču i adnaŭleńnie im piensijnych vypłat, padtrymali 40 krain, dźvie prahałasavali suprać, a dzieviać ustrymalisia.
Ciapier ułady Biełarusi pavinny paviedamić pra vykanańnie patrabavańniaŭ na nastupnym pasiadžeńni Administracyjnaj rady ŭ sakaviku 2026 hoda.
11 vieraśnia ŭłady vyzvalili 52 čałavieki paśla sustrečy Łukašenki z amierykanskaj delehacyjaj, ale ŭsich ich prymusova vyvieźli ŭ Litvu biez pašpartoŭ — tolki z daviedkami, padpisanymi čynoŭnikam MUS Alaksiejem Biehunom.
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
Jarašuk: Łukašenka padmanuŭ Trampa
Kolki zastavałasia siadzieć departavanym palitviaźniam?
Poŭny śpis 52 vyzvalenych palitviaźniaŭ
Vyzvalili prafsajuznaha lidara Alaksandra Jarašuka
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary