Vychodzić finał kultavaha sieryjała «Vielmi dziŭnyja spravy». Hledačy abrynuli Netflix
Netflix pradstaviŭ apošni siezon znakamitaha sieryjała «Vielmi dziŭnyja spravy» (Stranger Things). Pieršyja čatyry sieryi ŭžo vyjšli na stryminhu — krytyki i hledačy zadavolenyja.
«Vielmi dziŭnyja spravy» — heta i detektyŭnaja drama, i sieryjał z elemientami žachaŭ dy fantastyki. Jaho dziejańnie adbyvajecca ŭ 1980‑ia ŭ vydumanym amierykanskim miastečku Choŭkins. Niedaloka ad jaho znachodzicca łabaratoryja, dzie ładziać ekśpierymienty z paranarmalnymi źjavami i vypadkova adkryvajuć partał u paralelny suśviet — Iznanku. Toj suśviet pačynaje ŭpłyvać na žycharoŭ Choŭkinsa, jakija pra tuju łabaratoryju ničoha nie viedajuć.
Ciapier vychodzić piaty i apošni siezon sieryjała. 26 listapada na Netflix pakazali pieršyja čatyry sieryi, a 25 śniežnia, na Kalady, možna budzie pabačyć jašče try vypuski. Dvuchhadzinny finał siezona i ŭsiaho sieryjała čakajem 31 śniežnia.
Užo pieršych čatyroch sieryj siezona chapiła, kab abrynuć Netflix — i heta pry tym, što pierad premjeraj prapusknuju zdolnaść servisu śpiecyjalna pavialičyli na 30%. Hledačy ź Indyi i ZŠA kinulisia skardzicca ŭ sacsietkach na zboi ŭ pracy płatformy.
Što da vodhukaŭ, jany całkam prystojnyja. Krytyki adznačajuć, što ŭ novym siezonie prajekt zachoŭvaje redkuju zdolnaść być pryciahalnym dla hledačoŭ roznych uzrostaŭ, zastajecca aryhinalnym i nie horšym za minułyja siezony. A prostyja fanaty nie škadujuć dla prajekta dobrych vodhukaŭ: naprykład, na partale Rotten Tomatoes piaty siezon «Vielmi dziŭnych spraŭ» maje salidnyja 92% uchvaleńnia ad hledačoŭ.
I heta nie dziva, kali ŭličyć, kolki pracy i hrošaj układziena ŭ piaty siezon. Rabili jaho try hady, a kožnaja z vaśmi sieryj kaštuje nienarmalnyja 50‑60 miljonaŭ dalaraŭ, to-bok biudžet usiaho siezona składaje 400‑480 miljonaŭ dalaraŭ. Dastatkova, kab źniać niekalki vysokabiudžetnych błakbastaraŭ. Adna z zaprošanych zorak — Linda Hamiltan, jana ž Sara Konar ź pieršych stužak franšyzy pra «Terminatara».
Acanić u poŭnaj miery, što atrymałasia, my zmožam užo chutka.
«Naša Niva» — bastyjon biełaruščyny
PADTRYMAĆHieroj niamieckaha supracivu ŭładkavaŭsia da nacystaŭ, kab padabracca da ich bližej — novy film, jaki budzie cikavy i biełarusam
U papularnym amierykanskim sieryjale pakazali biełaruskuju turmu — źniałasia ŭładalnica «Oskara»
Novy «Frankienštejn» kultavaha Hiljerma del Tora — badaj, samy pryhožy film hoda
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy39
Kamientary