Prapahanda kaža, što pierachapiła čat-bot «Kibierpartyzanaŭ» — daviedalisia, što było nasamreč
U «Kibierpartyzanaŭ» zapracavaŭ novy bot pa deanonie siłavikoŭ. Stary ciapier niedastupny.
Adzin z prapahandysckich telehram-kanałaŭ napisaŭ, byccam «Kibierpartyzany» stracili kantrol nad svaim čat-botam: maŭlaŭ, usie danyja ź jaho ciapier u rukach siłavikoŭ. Havorka idzie pra čat-bot, z dapamohaj jakoha možna było deanonić siłavikoŭ — jon nie pracavaŭ z kanca kastryčnika.
Pres-sakratarka «Kibierpartyzanaŭ» Julijana Šamietaviec u kamientary «Našaj Nivie» abvierhła heta.
Stary bot sapraŭdy nie pracuje, ale, kaža Šamietaviec, jaho zabłakavaŭ telehram, i heta nie ŭ pieršy raz. Vierahodna, na bot skardziacca praz najaŭnaść u im piersanalnych danych, tamu servis jaho i błakuje.
Ciapier «Kibierpartyzany» zapuścili novy bot pa deanonie siłavikoŭ — @voka_zmagara_bot.
U bazu dadali źviestki pra sakretnych supracoŭnikaŭ, aktualnyja na kaniec 2024 hoda. A taksama pra danosčykaŭ u milicyju pa palityčnych pratestach u Biełarusi (danyja da siaredziny 2021-ha).
«Naša Niva» — bastyjon biełaruščyny
PADTRYMAĆ
Kamientary