«Nielha vyklučać druhi tur»: deputat Savinych patłumačyŭ, čamu dniom vybaraŭ uziali 9 žniŭnia
Deputaty Pałaty pradstaŭnikoŭ prahałasavali za praviadzieńnie prezidenckich vybaraŭ 9 žniŭnia, pakolki inšyja daty parušali zakonnyja terminy praviadzieńnia druhoha tura vybaraŭ. Pra heta TUT.BY raspavioŭ deputat Andrej Savinych.
Nahadajem, deputaty razhladali čatyry mahčymyja daty dla praviadzieńnia prezidenckich vybaraŭ: 9, 16, 23 i 30 žniŭnia.
— I my vielmi chutka pryjšli da vysnovy, što 30 žniŭnia naohuł nie źjaŭlajecca aptymalnym vybaram, pakolki stvaraje prablemy z druhim turam, jaki pavinien być praduhledžany ŭ luboj situacyi (druhi tur vybaraŭ pavinien prajści nie paźniej, čym praz dva tydni paśla pieršaha). Heta značyć, 30 žniŭnia — apošni termin praviadzieńnia vybaraŭ, a heta značyć, što kali pryznačyć ich na hetuju datu, to druhi tur vychodziŭ by za miežy hetaha terminu i była b abhruntavanaja krytyka, što parušanyja terminy vybarčaha pracesu. U niejkaj miery ŭ hetaj suviazi i 23 žniŭnia nie padychodziła, — kaža Savinych.
Akramia taho, deputaty ŭličyli, što 23 i 30 žniŭnia supadajuć z pačatkam navučalnaha hoda, i stvarać «niepatrebnaje napružańnie» dla piedahohaŭ nie maje sensu.
— Vyrašałasia pytańnie pamiž 9 i 16 žniŭnia. Ale ja vykazaŭ mierkavańnie ab tym, što ŭ śviecie pačynajuć prajaŭlać siabie nastupstvy karancinnych mier i kryzisnyja źjavy praz epidemiju karanavirusa. Suśvietnaja ekanomika ryzykuje akazacca ŭ vielmi surjoznaj recesii, biesprecedentnaj pa svaich maštabach. Heta budzie vyklikam nie tolki dla Biełarusi, ale i ciažkim vyprabavańniem dla ŭsich krain. Ja dumaju, što na hetym fonie dla nas važna jak maha raniej zaviaršyć usie ŭnutranyja palityčnyja pracesy ŭ krainie. Tamu ja asabista hałasavaŭ za 9 žniŭnia i zaklikaŭ inšych deputataŭ zrabić toje ž samaje, — raspavioŭ Savinych.
Ciapier čytajuć
Miedyjny pres-sakratar MNS Vital Damboŭski pajšoŭ u psichołahi-seksołahi3
Kamientary