Antykryzisnyja łajfchaki ad «Komikaŭ na karancinie»: vyjšaŭ druhi vypusk šou «Svoj Stand Up: Razhony»
Na VOKA praciahvajecca humarystyčnaje šou «Svoj Stand Up: Razhony». Hledačam užo dastupnyja dva vypuski z troch: na płatformie tolki što źjaviŭsia śviežy epizod. «Komiki na karancinie» — Dźmitryj Naryškin, Andrej Ščehiel, Ściapan Mankievič i Jaŭhien Burakievič — abmiarkoŭvajuć, čamu im daviałosia navučycca ŭ režymie samaizalacyi.
Akazvajecca, komiki ŭmiejuć nie tolki hladzieć na lubuju situacyju z humaram i va ŭsim, navat u vizicie ŭ padatkovuju, znachodzić nahodu dla žartu. Samaizalacyja i vymušanyja kanikuły navučyli ich rabić samyja roznyja rečy: naprykład, Andrej Ščehiel asvoiŭ padrychtoŭku prezientacyj dla ŭrokaŭ anhlijskaj movy dla pieršakłašak. Ściapan Mankievič adkryŭ dla siabie mnostva antykryzisnych łajfchakaŭ (voś vy možacie zapravić mašynu na 20 rubloŭ, a jeździć na joj čatyry dni? A Ściapan moža!). Jaŭhien Burakievič i zusim uzłamaŭ sistemu: nie jon akazaŭsia vinien FSAN, a FSAN — jamu.
Akramia taho, karancin, jak pakazaŭ novy vypusk «Svoj Stand Up: Razhony», heta vydatny čas uspomnić školnyja hady (i vyśvietlić, jaki telefon namalavaŭ sabie ŭ škole Ženia Burakievič), patelefanavać starym znajomym (kali tolki vy nie stary znajomy Andreja Ščehiela — vam raim pisać u miesiendžary. Čamu — Andrej sam rastłumačyć) i navat acanić pieravahi žyćcia ŭ Kamiennaj Horcy (Ściapan paćvierdzić!). Ale hałoŭnaje, biez čaho ŭ naš čas nie abyścisia, — heta pačućcio humaru i ŭmieńnie śmiajacca — u pieršuju čarhu ź siabie.
U novym siezonie zapłanavany jašče adzin epizod. Hladzieć novyja vypuski možna ŭ efiry videaservisu VOKA pa sieradach, a paśla — u luby zručny dla siabie čas u režymie archiva.
-
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra
-
Dzianis ź Niaśviža dziesiać hadoŭ adpracavaŭ na likiora-harełačnym zavodzie. A znajšoŭ siabie i najlepš staŭ zarablać jak błohier Ałkabard
-
U Prypiaci pavialičvajecca kolkaść ryby, raniej zaniesienaj u Čyrvonuju knihu
Kamientary