Za minułyja sutki ŭ Łatvii vyjaŭleny tolki adzin novy vypadak zachvorvańnia na COVID-19 , paviedamlaje Delfi sa spasyłkaj na Centr prafiłaktyki i kantrolu zachvorvańniaŭ.
U cełym z pačatku epidemii ŭ Łatvii praviedzieny 63 102 analizy na COVID-19 , za apošnija sutki — 1982.
Usiaho kolkaść zachvarełych składaje 871 čałaviek. Vyzdaravieli 348 čałaviek, 16 — pamierli.
U Łatvii samy nizki z krain Bałtyi pakazčykaŭ zachvorvańnia karanavirusam (462 vypadkaŭ na 1 młn, 33 455 testaŭ na 1 młn žycharoŭ).
U Litvie — 1 399 vypadkaŭ, 45 śmiarciej (514 vypadkaŭ zachvorvańnia na 1 młn, zroblena 48 771 testaŭ na 1 młn), u Estonii — 1694 vypadkaŭ, 52 čałavieki pamierli (1277 vypadkaŭ zachvorvańnia na 1 młn, 40 tysiač testaŭ na 1 młn).
U Biełarusi 14 917 vypadkaŭ (učora +890 novych vypadkaŭ), abo 1579 na 1 młn, zroblena 19 712 testaŭ na 1 młn čałaviek.
Łatvija zakryła miežy 17 sakavika, zabaraniŭšy suchaputnyja i pavietranyja pasažyrskija pieravozki praź miažu krainy. Byli zabaronieny ŭsie arhanizavanyja publičnyja mierapryjemstvy. Niearhanizavanyja mierapryjemstvy byli dazvolenyja pry kolkaści da 50 čałaviek, zakančvacca jany pavinny da 23 hadziny viečara, zaniatki ŭ škołach admienienyja.
Dziaržaŭnyja centralizavanyja ispyty ŭ škołach pieranieśli na maj.
Futbolny čempijanat byŭ spynieny.
-
Tramp anansavaŭ telefonnuju razmovu z Pucinym
-
«Alternatyva dla Hiermanii» ŭ novaabranym łandtahu Saksonii-Anchalt adrazu ž zapatrabavała spynić padtrymku Ukrainy i admianić sankcyi suprać Rasii
-
ZŠA padtrymali Łatviju ŭ baraćbie ź nielehalnaj mihracyjaj i vysoka acanili jaje hatoŭnaść uzajemadziejničać ź Biełaruśsiu
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy19
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary