Sajt dla hałasavańnia na prajmieryz apazicyjnych kandydataŭ zapracavaŭ na Dzień Voli, 25 sakavika. Apošni zajaŭleny dzień dla hałasavańnia na sajcie — 30 krasavika. Pavodle vynikaŭ anłajn-hałasavańnia, pieramohu atrymaŭ Mikałaj Kazłoŭ — 39,8%.
U vybarach na siońnia biaruć ŭdzieł try čałavieki: Juraś Hubarevič (Ruch «Za Svabodu»), Mikałaj Kazłoŭ (AHP) i Volha Kavalkova (niezaležnaja kandydatka). Sami prajmieryz startavali 6 sakavika z pajezdki ŭ Haradok i Viciebsk. A 16 sakavika ich pakinuli Pavieł Sieviaryniec i Alaksiej Janukievič. Paźniej i sami pajezdki admianili praz pahrozu karanavirusa.
Paśla hetaha ŭsia aktyŭnaść pierajšła ŭ internet.
Za Mikałaja Kazłova prahałasavali 39,8% (1774 čałavieki), za Juryja Hubareviča 36,12% (1610), za Volhu Kavalkovu — 24,07% (1073).
Raniej zajaŭlałasia, što ŭdzieł u anłajn-hałasavańni voźmuć da 100 tysiač čałaviek, a adzinaha kandydata abiaruć na źjeździe ŭ kancy maja. Ale, vidać, praź niebiaśpieku karanavirusa ŭ praces buduć uniesienyja karektyvy.
Pavodle zakonu, prezidenckija vybary pavinny prajści nie paźniej za 30 žniŭnia 2020 hoda.
Ciapier čytajuć
«Ja supracoŭnica KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku6
Kamientary