Davydźka: Ludzi pierapałochanyja, tamu prapanujem stvaryć sajt ź infarmacyjaj pra chvorych na karanavirus
Deputaty Pałaty pradstaŭnikoŭ prapanujuć stvaryć niejki adziny infarmacyjny centr z usioj infarmacyjaj pra karanavirus. Hetuju temu jany abmiarkoŭvali padčas pasiadžeńnia kamisii pa pravach čałavieka, mižnacyjanalnych adnosinach i ŚMI.
Niedziaržaŭnuju presu tudy nie zaprasili — tolki BiełTA, ale staršynia kamisii Hienadź Davydźka postfaktum adkazaŭ na pytańni «Našaj Nivy».
Hienadź Davydźka: My havaryli pra toje, jak dziejučaje zakanadaŭstva ab ŚMI zaraz vykonvajecca, što moža dziaržava supraćpastavić tym fejkam i insinuacyjam u miedyjaśfiery, — raskazaŭ Davydźka. — Na našu dumku, nie zusim chapaje infarmacyi: chto jaje strymlivaje, čamu strymlivaje? Niedachop aficyjnaj, dakładnaj infarmacyi, jakoj daviarajuć, vymušaje inšyja ŚMI impravizavać na hetuju temu.
Dziela taho, kab spynić kryvatołki, treba kab dziaržava znajšła niejkuju placoŭku, BiełTA ci nie BiełTA. Ale zrabić niejki sajt, kab paznačałasia, chto dzie chvareje, [kab vioŭsia] pieralik chvorych, [kab paznačałasia], kolki hadoŭ, jak zachvareŭ, jaki prahres u stanie i hetak dalej. Jość zapyt u hramadstvie na dakładnuju infarmacyju ŭ adnym miescy. I my rekamiendavali, kab niedzie heta źjaviłasia. Bo čałaviek, jaki heta choča viedać, vymušany šukać pa roznych resursach».
«Naša Niva»: Nakolki my viedajem, hetaja ž inicyjatyva ŭžo sychodziła ad Karanika, ale kiraŭnik dziaržavy, pa čutkach, suprać. Jak vy chočacie dziejničać u hetych umovach?
Hienadź Davydźka: Naša sprava — vykazać dumku, my zakanadaŭčy orhan. Moža być, uličvajučy bolšuju daśviedčanaść, kiraŭnictvu lepš vidać. Moža, nam nie chapaje palityčnaj śviadomaści, ale ŭ asnoŭnym deputaty kanstatujuć, što ludzi nie majuć dakładnaj infarmacyi i tamu krychu pierapałochanyja.
-
U Minsku z-za paškodžańnia kantaktnaj sietki parušyłasia praca maršrutaŭ niekatorych tralejbusaŭ
-
Byłyja palitźniavolenyja abjadnalisia dziela ŭzajemnaj padtrymki ŭ arhanizacyju «Pobač»
-
«Hryša žyvie tut, budzie jamu kampanija». Siamja z Babrujska prytuliła na padvorku piać lebiedziaŭ, jakija trapili ŭ biadu
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary