25 sakavika arhanizacyjny kamitet litaraturnaj premii «Hliniany Viales» vyrašyŭ nazvać imia sioletniaha łaŭreata, paviedamiŭ u svaim fejsbuku zasnavalnik premii Aleś Arkuš.
Heta piśmieńnik ź Biełastoččyny Michaś Andrasiuk za knihu «Poŭnia». Prazaik žyvie na ŭskrajku Biełaviežskaj puščy na polskim baku.
Raman «Poŭnia» nasamreč pabačyŭ śviet uviesnu 2019 hoda, choć na vokładcy staić 2018-y. Tamu kniha nie mahła trapić u šort-list «Vialesa» za 2019-y, bo šort składajecca ŭ studzieni. Uličvajučy hetuju akaličnaść, arhkamitet pryniaŭ rašeńnie ŭklučyć knihu ŭ šort za 2019 hod.
Raman «Poŭnia» — admietnaja źjava biełaruskaj litaratury. Heta vysokamastacki zamies realnaha, mistyčnaha, siamiejnaha, tradycyjnaha, mifałahičnaha, bytavoha, minułaha i sučasnaha. Knihu prychilna sustreli ŭ Biełarusi. Letaś jana atrymała druhuju premiju ŭznaharody Hiedrojca. U litaraturnaj pieryjodycy źjaviłasia šmat vodhukaŭ i recenzij, piša Arkuš.
Ciapier čytajuć
Jakija damoŭlenaści byli ŭ amierykancaŭ z Łukašenkam pa vyzvaleńni palitviaźniaŭ? Tłumačyć Viačorka6
Kamientary