Pry zapusku samarobnaj rakiety ŭ Kalifornii zahinuŭ Zvarjacieły Majk. Jon źbiraŭsia dakazać, što Ziamla płoskaja
Amierykaniec Majkł Chjuz, viadomy pa mianušcy Zvarjacieły Majk, raźbiŭsia pry sprobie ździejśnić palot na samarobnaj rakiecie. Pra heta paviedamlajecca ŭ tvitary telekanała Science Channel, piša RBK.
Zapusk byŭ ździejśnieny ŭ ramkach zdymak vypusku pieradačy Homemade Astronauts, jakaja vychodzić na kanale, adznačaje Space.com. Chjuz sprabavaŭ padniacca na rakiecie, jakaja pracuje na paravym ruchaviku, na vyšyniu 5 tys. futaŭ (1,5 km).
«Jaho maraj było ažyćciavić hety zapusk, i [kamanda] Science Channel znachodziłasia na miescy dla taho, kab pakazać heta padarožža», — havorycca ŭ paviedamleńni telekanała.
Latalny aparat byŭ zapuščany 22 lutaha ŭ pustyni kala horada Barstou ŭ Kalifornii. Jak paviedamlaje CNN sa spasyłkaj na zajavu šeryfa akruhi San-Biernardyna, ułady paćvierdzili hibiel čałavieka paśla taho, jak rakieta paciarpieła krušeńnie, ale ŭ svajoj zajavie nie nazvali imia Chjuza.
Videa zapusku i krušeńnia rakiety apublikavana ŭ Twitter žurnalista Džaścina Čepmana. Jon zajaviŭ TMZ, što Chjuz zahinuŭ.
Pa danych AP, Majk Chjuz ažyćciaviŭ pieršy zapusk samarobnaj rakiety ŭ 2014 hodzie ŭ Aryzonie i padniaŭsia na joj na vyšyniu 419 m. U 2016 hodzie jon abjaviŭ zbor srodkaŭ na budaŭnictva novaj rakiety, adnak sabrać atrymałasia niedastatkova — tolki $310. Paśla hetaha jon nazvaŭ siabie prychilnikam Tavarystva płoskaj Ziamli i atrymaŭ padtrymku ad arhanizacyi. U vyniku Chjuzu ŭdałosia sabrać $7,8 tys. Chjuz zajaviŭ, što mieŭ namier ździejśnić palot u kosmas i zrabić adtul zdymak płoskaj Ziamli.
U sakaviku 2018 hoda jon zapuściŭ rakietu sa startavaj placoŭki ŭ pustyni Machavie ŭ Kalifornii. Aparat padniaŭsia na vyšyniu kala 570 m, palot skončyŭsia žorstkaj pasadkaj. Sam Chjuz nie paciarpieŭ. Novy zapusk byŭ zapłanavany na žnivień 2019 hoda, adnak niekalki razoŭ adkładaŭsia.
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka2
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary