U Maskoŭskaj patryjarchii adkazali na słovy protaijereja ab hramadzianskim šlubie i «biaspłatnych prastytutkach»
Namieśnik kiraŭnika spraŭ Maskoŭskaj patryjarchii jepiskap Zielenahradski Sava (Tutunoŭ) paličyŭ abraźlivym vykazvańnie kiraŭnika patryjaršaj kamisii pa spravach siamji protaijereja Dzimitryja Śmirnova, jaki raskrytykavaŭ žančyn, što pahadžajucca na sužycielstva, piša RBK.
«Jość sacyjalny kantekst, jaki patrabuje peŭnaj leksičnaj etyki. Vykarystańnie padobnaha vykazvańnia ŭ dadzienym kantekście liču nieprymalnym», — ličyć Tutunoŭ.
Jepiskap adznačyŭ, što ŭ sučasnaha hramadstva majucca prablemy z adkaznaściu, adnak «heta nie daje nahodu da vykazanaj charaktarystyki». Na jaho dumku, Śmirnoŭ spraviadliva pakazaŭ na biezadkaznaść mužčyn, jakija nie žadajuć ustupać u šlub sa svajoj vybrańnicaj.
Raniej protaijerej Dzimitryj Śmirnoŭ paraŭnaŭ žančyn, jakija zhadžajucca na sužycielstva, z «biaspłatnymi prastytutkami». Pavodle jaho słoŭ, takich žančyn mužčyny ŭsprymajuć jak «časovuju ŭciechu» i karystajucca ich «pasłuhami» biaspłatna. Śviatar adznačyŭ, što ŭ mužčyny nie pavinny ŭźnikać ciažkaści z ustupleńniem u šlub z žančynaj, kali jon razhladaje jaje ŭ jakaści svajoj budučaj žonki.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja25
Kamientary