Biełaruskim sanatoryjam u Rasii ekanamičny kryzis tolki na karyść
Kryzis u rasijskaj ekanomicy mocna ŭdaryŭ pa dachodach rasijan, jakija ŭ jašče bolšaj kolkaści paciahnulisia ŭ miascovyja sanatoryi. Jak pakazali vyniki 2025 hoda, nie abyšła bokam hetaja tendencyi i łakacyi, jakija naležać Kiraŭnictvu spraŭ Łukašenki na terytoryi Rasii ci na ziemlach, akupavanych joj, piša vydańnie «Biełarusy i rynak».
Na fonie minusaŭ praktyčna va ŭsich pradstaŭnikoŭ biełaruskaha dziaržaŭnaha biznesu i značnaj častki pryvatnaha, try sanatornyja ŭstanovy sabrali adnosna niebłahija dyvidendy ad źbiadnieńnia rasijan i zakrytych miežaŭ.
Jak zaŭvažyli «Biełarusy i rynak», vyručka samaj bujnoj ustanovy, sanatoryja «Biełaruś» pad Sočy, vyrasła bolš čym na 10% i skłała 1,3 miljarda rasijskich rubloŭ (kala 17 miljonaŭ dalaraŭ). Prybytak jaho kiraŭničaj kampanii i ŭvohule vyras bolš čym na 30% u paraŭnańni z 2024 hodam — heta krychu bolš za 80 miljonaŭ rasijskich rubloŭ (kala 1 miljona dalaraŭ).
Sanatoryj «Biełaja Ruś» pad Tuapse pryros prykładna na stolki ž, zarabiŭšy letaś 1,1 miljarda rasijskich rubloŭ (kala 14,4 miljona dalaraŭ) vyručki. Prybytak jaho taksama vyras (i taksama bolš čym na 30%) — da 90,8 miljona rasijskich rubloŭ (kala 1,2 miljona dalaraŭ).
Vyraśli prodažy navat sanatoryja «Biełaruśsija» ŭ amal pryfrantavoj akupavanaj Jałcie. Pryčym — prykładna na 60%. Jaho vyručka nabliziłasia da 300 miljonaŭ rasijskich rubloŭ (kala 4 miljonaŭ dalaraŭ). A voś prybytak byŭ minimalny i zastaŭsia na papiarednim uzroŭni — 2,3 miljona (kala 30 tysiač dalaraŭ).
Biełaruś štohod naviedvajuć kala 5 miljonaŭ turystaŭ z Rasii
Pasoł Biełarusi ŭ Rasii źbirajecca naviedać akupavany Krym
200 rasijskich vajskoŭcaŭ buduć sioleta zadarma adpačyvać u biełaruskich sanatoryjach
Zamiežnych turystaŭ u biełaruskich sanatoryjach stała jašče bolš
U sanatoryi Homielskaha rajona znojdzieny miortvym mužčyna z Sankt-Pieciarburha
Kamientary