Pavodle źviestak pres‑słužby prezidenta, prahramaj vizitu praduhledžany sustrečy A.Łukašenki z kiraŭnictvam Armienii i pradstaŭnikami dziełavych kołaŭ.
U centry ŭvahi na pieramovach buduć aktualnyja pytańni dvuchbakovych adnosinaŭ, najpierš raźvićcia handlova‑ekanamičnaha supracoŭnictva z ulikam upłyvu suśvietnaha finansava‑ekanamičnaha kryzisu, a taksama pytańni ŭzajemadziejańnia krain u miežach intehracyjnych abjadnańniaŭ na postsavieckaj prastory.
Asablivuju ŭvahu, paviedamlaje pres‑słužba, płanujecca nadać umacavańniu mižrehijanalnych suviaziej, supracoŭnictvu ŭ enierhietyčnaj śfiery, udziełu Biełarusi ŭ realizacyi šerahu dziaržaŭnych prahram pa raźvićci ekanomiki Armienii, naładžvańni pramysłovaj kaapieracyi, raźvićci turyzmu i kulturnych suviaziej pamiž narodami.
Uzajemny tavaraabarot Biełarusi i Armienii ŭ 2008 hodzie pavialičyŭsia ŭ paraŭnańni z 2007 hodam na 18,9% i skłaŭ 28,2 młn. dołaraŭ ZŠA, «što zusim nie adpaviadaje ekanamičnym patencyjałam dźviuch krain», zaznačajecca ŭ paviedamleńni pres‑słužby prezidenta.
Damoŭlenaść ab vizicie A.Łukašenki ŭ Armieniju była dasiahnuta 9 sakavika padčas telefonnaj razmovy prezidentaŭ Biełarusi i Armienii.
Ciapier čytajuć
U minskim zaaparku praviaduć fiestyval ahniu. Kažuć, što žyvioły buduć u pamiaškańniach, tamu ŭsio narmalna1
Kamientary