«Palać mašyny i škodziać Barsiełonie» — biełaruska, jakaja žyvie ŭ Katałonii, raspaviała pra pratesty

Nastaśsia Saŭkina — biełaruska, jakaja žyvie ŭ Barsiełonie ŭžo 6 hadoŭ. Jana pracuje na siabie, zajmajecca arhanizacyjaj iventaŭ. Jana raspaviała «Našaj Nivie» jak pratesty ŭ Katałonii ŭsprymajucca znutry rehijona praciŭnikami adździaleńnia Katałonii ad Ispanii.

Pavialičyć

Nahadajem, što ŭ Katałonii prachodzić usieahulny strajk pratestu suprać prysudaŭ, jakija atrymali katałonskija niezaležnickija lidary. Ich asudzili na praciahłyja terminy pazbaŭleńnia voli.

Pavialičyć

«Ja sama nikoli nie padtrymlivała niezaležnaść Katałonii, bo ja nie zhodnaja z tym, jak heta robicca. Mnie nie blizkaja ani pazicyja Madryda, ani pazicyja Katałonii. Prosta tamu, što ŭsio robicca ź vialikaj kolkaściu pamyłak, niama dyjałohu zusim, — raspaviadaje Nastaśsia. —

Ja nie vieru, što tut nie zamiašanyja hrošy. Zdajecca, palityki prosta admyvajuć hrošy, prykryvajučysia niezaležnaściu, maŭlaŭ, budzie raj na ziamli paśla adździaleńnia.

Ale ja tak nie liču, što budzie raj. U ES niezaležnuju Katałoniju najchutčej nie voźmuć, bo Ispanija nakładzie vieta. Port Barsiełony budzie nikomu nie patrebny, pryjdziecca nanoŭ damaŭlacca z kampanijami…

Čytajcie inšaje mierkavańnie: «Biełarus pa naradžeńni, katałoniec pa pierakanańniach». Biełarus z Barsiełony biare ŭdzieł u ruchu za niezaležnaść Katałonii

Vialikaja prablema prychilnikaŭ niezaležnaści Katałonii, što ŭ ich niama dakładnaha i kankretnaha płana. Nichto nie ahučvaje kankretnych ruchaŭ i detalaŭ. Dumajuć, adździelacca i buduć maleńkaj i vielmi bahataj krainaj, buduć jak Šviejcaryja. Tak, siońnia Katałonija — adzin z najbahaciejšych rehijonaŭ, pramysłovaść na uzdymie. Ale ci zastaniecca heta na tym ža ŭzroŭni paśla adździaleńnia?

Ja ŭsprymaju pratesty zusim nie pazityŭna. Usio heta vielmi kiepska dla biznesu, asabliva dla małoha biznesu. Dy i šmat jakija bujnyja kampanii sychodziać z rehijona. Kali 2 hady tamu byŭ nielehalny refierendum, to niekalki tysiač kampanij pieranieśli svaje ofisy ŭ inšyja rehijony ci zusim syšli ź Ispanii. Naprykład, adzin z bankaŭ pieravioz hałoŭny ofis u susiedni rehijon».

Ciapier u horadzie na vulicach amal adny pratestoŭcy, kaža Nastaśsia.

«Siońnia amal nie pracuje transpart: mietro pracuje, ale tolki pałova stancyj, u čas pik uvohule 30%. Horad jak vymier, bo siońnia usie kampanii, u suviazi z pratestami, dali ludziam dazvoł pracavać z doma. Tamu na vulicach amal tolki tyja, chto bastuje.

Vulicy pierakrytyja, šmat palicyi. Nu i pratestoŭcaŭ, kaniečnie. Časam jany palać mašyny, učora i pazaŭčora prynamsi było niekalki vypadkaŭ u centry. Pryčym, heta vypadkovyja mašyny prostych ludziej, jakija stajać na vulicy.

Praŭda, aeraport razbłakavali ŭžo.

Ja nie viedaju, čym heta skončycca. Užo, jak skazali ŭ navinach, naniesienaja škoda dla Katałonii pamieram 1,5 miljona jeŭra. Mahčyma, pratesty praciahnucca, bo pakul ničoha nie dabilisia. Ja liču, što ŭvohule pratestoŭcy musiać jechać u Madryd, tam ža prymajucca rašeńni, a nie hramić Barsiełonu. Bo tak naškodzić svajmu horadu, jak heta robiać pratestoŭcy, treba jašče pastaracca.

Darečy, amal usio ruskamoŭnaje nasielnictva taksama ŭsprymaje pratesty vielmi niehatyŭna. Pazityŭna hladziać na ich tolki tyja, chto zamužam za katałoncami ci žanatyja z katałonkami. Ale takich ludziej niamnoha i jany amal usie taksama na vulicach».

• 0
• 0
• 0
• 0
• 0
• 0
• 0
• 0