Pahladzicie, jaki stylovy instahram źjaviŭsia pra minskaje mietro FOTY
Praŭda, akaŭnt east_underground, u jakim publikujucca fotazdymki sa stancyj minskaha mietrapalitena, nieaficyjny. Viadzie jaho Anton Radniankoŭ, dyrektar «Centra novych idej».
«Ja źjaŭlajusia amataram hramadskaha transpartu, ciahnikoŭ, tramvajaŭ, tamu vyrašyŭ stvaryć profil u instahramie, pryśviečany minskamu mietro. Mnie padajecca, my jaho nie dastatkova cenim, nie zaŭsiody źviartajem uvahu na tyja detali i simvały, jakija zakładvalisia stvaralnikami.
Tym nie mienš praz raźvićcio mietro možna vydatna prasačyć, jak źmianiałasia ideałohija, ekanamičny stan horada, kaštoŭnaści i husty, — raspavioŭ «Našaj Nivie» Radniankoŭ. —
Pieršyja stancyi, «Płošča Pieramohi» ci «Kastryčnickaja», napoŭnienyja ŭračystaj atmaśfieraj, pryśviečany dasiahnieńniam i podźviham savieckaha naroda. Stancyi, jakija adkryvalisia adrazu paśla raspadu SSSR, naadvarot, vyhladajuć ścipła, biudžetna. «Malinaŭka», «Hrušaŭka», jakija prypali na roskvit biełaruskaj ekanomiki, sprabujuć tranślavać zamožnaść sučasnaha Minska.
Minskaje mietro davoli maładoje i budavałasia, kali moda na pampieznaść, «pałacavaść» savieckaha mietro ŭžo prajšła. Tym nie mienš dla zamiežnikaŭ heta budzie cikava i niezvyčajna. Dla sučasnych biełaruskich uładaŭ mietro praciahvaje zastavacca palityčnaj rečču, jakoha imknulisia budavać zaŭsiody, kab pakazać siłu ajčynnaj ekanomiki.
Taja ž historyja i z treciaj linijaj — adkryćcio zapłanavana na pieršuju pałovu 2020 i možna čakać vizit Łukašenki, budzie dobry piar pierad čarhovymi prezidenckimi vybarami.
Tamu pryhožyja fota ŭ instahramie — hety vydatnaja nahoda spynicca, źviarnuć uvahu na detali, padumać pra simvalizm».
-
«Ščaślivaja, što advažyłasia na śvińniu, a nie naradzić druhoje dzicia». Biełaruska haduje mini-piha i nie moža naradavacca
-
Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie
-
Navukoŭcy raskryli tajamnicu rudych katoŭ, jakaja nie davała spakoju dziesiacihodździami
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj16
Kamientary