Doktar: Simptomy Navalnaha vielmi nahadvajuć atručeńnie chimičnymi rečyvami, kanvoj nas nie dapuściŭ da jaho
Lečačy doktar Alaksieja Navalnaha bje tryvohu. Jana padazraje atručeńnie chimičnym rečyvam, u toj ža čas jaje nie padpuskajuć da pacyjenta, jana ahladała jaho z-za dźviarej.
«Litaralna adrazu ž nas vypravadzili sa słovami «vy pabočnyja ludzi, jon pad aryštam, — narakaje ŭ siabie ŭ fejsbuku doktarka Vasiljeva. — Ale nam udałosia ŭsio ž taki praź dźviery ahledzieć našaha pacyjenta, sabrać skarhi i anamniez».
Jana źviartaje ŭvahu, što hałoŭnaj doktarkaj u balnicy, kudy pryvieźli Navalnaha, pracuje deputatka ad «Adzinaj Rasii».
U jaje pacyjenta nikoli raniej nie było takich simptomaŭ: «Vyjaŭny aciok i rezkaja hipieremija vierchnich i nižnich paviek, pieryarbitalnaj vobłaści, hnojnyja vydzialeńni z pravaj kanjunktyvalnaj paražniny, vyražany śvierb. Množnyja papuloznyja vysypańni na skury šyi, śpiny, hrudziej, łokcievych zhinaŭ ruk. Klinična skarhi i simptomy adpaviadajuć vostramu taksičnamu kieratyt-kanjuktyvitu i dermatytu i ahulnaj intaksikacyi», — piša doktarka Vasiljeva.
«Ja jak doktarka, jakaja lačyła najciažejšy apiok pavierchni vačej u Alaksieja dva hady tamu, mahu z upeŭnienaściu zajavić, što i ŭ 2017 hodzie, i ciapier — heta vynik uździejańnia chimičnych rečyvaŭ. Nijakaj alerhii ŭ Alaksieja niama i nikoli nie było. Bolš za toje — jon jeŭ adnu i tuju ž ježu z usimi źniavolenymi, nijakaj novaj parfumieryi abo srodkaŭ asabistaj hihijeny nie vykarystoŭvaŭ», — adznačaje jana.
«My nie možam vyklučyć taksičnaje paškodžańnie skury i ślizistych nieviadomym chimičnym rečyvam z dapamohaj niejkaj «treciaj asoby», — piša Vasiljeva.
Jana nastojvaje, kab pravaachoŭnyja orhany ŭziali na chimičnuju ekśpiertyzu paścielu Navalnaha, a daktary — uziali saškrob skury, daśledavali vałasy.
Alaksiej Navalny — antykarupcyjny błohier i samy viadomy krytyk Uładzimira Pucina. Jon vyjaviŭ fakty najaŭnaści ŭ ludziej z koła Pucina majomaści na sumy, jakija ŭ šmat razoŭ pieravyšajuć aficyjnyja dachody dziaržčynoŭnikaŭ. Navalnaha nie raz sudzili i aryštoŭvali, ciapier jon adbyvaje čarhovyja 30 sutak, hetym razam za zaklik da mitynhu pratestu suprać nierehistracyi apazicyjnych kandydataŭ na miascovych vybarach u Maskvie.
Ciapier čytajuć
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku2
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary