26 sakavika Alaksandr Łukašenka naviedvaŭ ahrachołdynh «Kupałaŭskaje». Jon vyrašyŭ aznajomicca z umovami ŭtrymańnia bujnoj rahataj žyvioły. U vyniku svaje pasady stracili hubiernatar Mahiloŭskaj vobłaści, staršynia Škłoŭskaha rajvykankama i pamočnik prezidenta pa Mahiloŭskaj vobłaści. Łukašenka vielmi emacyjna vykazaŭsia nakont stanu karoŭ.
— Nie, hetaja karova ledź žyvaja, ty ž bačyš, jak jana ruchajecca. Navošta vy mianie siudy pryvieźli? Kab ja zaraz słužbie biaśpieki daručyŭ nadzieć vam kajdanki, i Kačanavaj (kiraŭnika Administracyi prezidenta — NN.BY) śledam tudy? Anfimava (staršyniu kamiteta dziaržkantrolu Leanida Anfimava — NN.BY) jak minimum vyhaniu z pracy. Kali čałaviek nie razumieje, što heta Aśviencim, a vy jaho stavicie kiraŭnikom chołdynhu. Ja ŭvohule nie razumieju!
— Jon raźbiarecca.
— U čym jon raźbiarecca? Jon ličyć, što heta narmalna!
— U technałohii.
— U čym jon raźbiarecca!? Jon ličyć, što heta narmalna. Vy što, chvoryja? Heta ž Aśviencim! Kali jany chvoryja, tut pavinna być čysta i sucha. Sucha i čysta štohadzinu, štochvilinu. Jany ž hadziać adna na adnu, stajać adna na adnoj. Tut pavinien stajać čałaviek i ŭvieś čas čyścić. A vy mianie pierakonvajecie, što heta narmalna. Ty pahladzi na hetuju skacinu! Jana ž usia abasranaja, na poŭści zakareła ŭsio. Značyć, Natalla Ivanaŭna (Kačanava — NN.BY), padrychtujcie zaŭtra zahady — abodvuch u adstaŭku, hubiernatara treciaha. I pa Łaŭrankovu (pamočniku prezidenta pa Mahiloŭskaj vobłaści Hienadziu Łaŭrankovu — NN.BY) prymajcie rašeńnie.
Na Šry-Łancy ŭ 37 hadoŭ pamior biełaruski kinapradziusar Andrej Matałyha3
Kamientary