«Na kručku»
Na kručku (Eagle Eye)
ZŠA, 2008, kalarovy, 128 chv.
Režyser: Dy Džej Karuza
Roli vykonvajuć: Šajia Łabaf, Mišel Monahan, Razarya Doŭsan, Majkł Čyklis, Entani Meki, Bili Bob Torntan
Žanr: Trymcieńnik
Adznaka: 6 (z 10)
Pa śmierci brata-bliźnia abibok Džery stajecca achviaraj zmovy. U jahonuju kvateru zavoziać zbroju, a hołas tajamničaj žančyny pa telefonie – addaje zahady. Razam z maci, jakoj pahražajuć zabić dzicia, Džery sprabuje ŭchilicca ad terarystyčnaha aktu, u jaki ŭciahvajuć hierojaŭ…
Trymcieńnik “Na kručku”, spradusavany Styvenam Śpiłberham – dynamičny j bieśpierapynny kaskad atrakcyjonaŭ, hramatnaje palityčnaje pasłańnie – i prosta kino, jakoje hladzieć nia sumna.
U 60-yja hady buntoŭny kamputar sa stužki “2001: Kaśmičnaja Adysieja” Stenli Kubryka – šakavaŭ hledačoŭ. Ale siońnia štučny mozh-teraryst, što addaje zahady łaskavym žanočym hołasam u filmie Karuzy ŭžo nia vyhladaje fantastykaj. Mabilnyja telefony, mašyny, kredytnyja kartki – zdolnyja sačyć za lubym mieścičam. I chto viedaje, ci nie pačnie kamputarny centar ułasnuju hulniu?
Mašyna, jakaja abviaščaje siabie narodam Złučanych Štataŭ – vydatnaje papiaredžańnie j namiok na panoŭnyja klasy, jakija marać trymać ludziej pad kantrolem.
Vybuchajuć samaloty, padajuć ciažkaviki, palujuć za niazhodnymi budaŭničyja krany. Karcina ŭdała vykarystoŭvaje štampy trymciennaha kino, pazyčaje “kancertnyja numary” Chičkoka, raduje admysłovymi efektami, što kožny raz – da miesca. Ale hałoŭnaje ŭ stužcy – cichi słaby čałaviek, zdolny pieraplunuć lubuju mašynu.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary