Były doktar žanočaj zbornaj ZŠA pa spartyŭnaj himnastycy Łary Nasar prysudžany da turemnaha źniavoleńnia na termin ad 40 da 175 hadoŭ [heta značyć, što jon moža prasić pra pamiłavańnie nie raniej, čym praz 40 hod] za seksualny hvałt u dačynieńni da spartovak.
Sudździa Rozmary Akilina skazała, što dziejańni Nasara «ahidnyja» i «nie majuć nijakaha dačynieńnia da spartyŭnaj miedycyny». «Vy nie vartyja taho, kab vyjści za dźviery turmy, — zajaviła jana. — Ja tolki što padpisała vam śmiarotny prysud».
Usio pačałosia z taho, što čempijonka Alimpijskich hulniaŭ 2012 hoda, amierykanskaja himnastka Džordzin Uibier abvinavaciła byłoha doktara nacyjanalnaj kamandy ZŠA Łary Nasara ŭ seksualnych damahańniach.
Praces tyčyŭsia złačynstvaŭ u adnosinach da siami paciarpiełych, adnak u sudzie vystupili 156 žančyn i svajakoŭ žančyn, jakija abvinavacili Nasara ŭ hvałcie.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja25
Kamientary