Źjaŭleńnie na rynku pasažyrskich pieravozak rasijskaj słužby zamaŭleńnia aŭtatranspartu «Maksim» vyklikała niezadavolenaść u baranavickich taksistaŭ i zaniepakojenaść u supracoŭnikaŭ padatkovych orhanaŭ. Hałoŭnaja prablema, jakaja paŭstała sa źjaŭleńniem servisu «Maksim» — rost kolkaści nielehalnych pieravozčykaŭ. Servis pracuje ŭ dvuch haradach Bresckaj vobłaści — Baranavičach i Breście.
Kali pačali pastupać skarhi na słužbu «Maksim», supracoŭniki padatkovych orhanaŭ stali bolš dbajna kantralavać śfieru pasažyrskich pieravozak i vyjavili bolš za 70 faktaŭ parušeńnia dziejnaha zakanadaŭstva z vykarystańniem mabilnaha dadatka servisu zamovy taksi «Maksim» u hetych dvuch haradach.
U Baranavičach aryštavana siem aŭtamabilaŭ, uładalniki jakich pieravozili pasažyraŭ nielehalna: bieź licenzii i rehistracyi ŭ jakaści IP, paviedamili Intex-press u IMPZ pa Bresckaj vobłaści. Pa rašeńni suda ich mohuć kanfiskavać jak pryładu ździajśnieńnia administracyjnaha pravaparušeńnia. Parušalniki zapłacili padatki i štrafy na sumu kala 2300 rubloŭ.
Što ž tyčycca samoha servisu zamaŭleńnia taksi «Maksim», to i jaho dziejnaść zaraz staranna praviarajuć. Praŭda, pakul biez kamientaroŭ dla ŚMI.
Ciapier čytajuć
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku3
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary