U miascovym Domie kultury vyrašyli, što śpiavak bolš nikoli nie vystupić na ich scenie. Praŭda, pryčyny nie ideałahičnyja, a kamiercyjnyja. U DK kažuć, što Kalina «kinuŭ» ich.
«Była sprava: Kalina prosta nie źjaviŭsia na kancert i nikoha nie papiaredziŭ. Navat jaho administratar nie viedaŭ, što adbyvajecca! — raspaviała «Našaj Nivie» Alena Anatoljeŭna, dyrektarka Doma kultury. — Paśla my ŭ internecie čytali, što ŭ toj ža viečar dzień narodzinaŭ žonki Kaliny adznačali niedzie ŭ Maskvie. Moža, tam jon i byŭ — va ŭsiakim vypadku, dakładna, što nie ŭ nas».
Paśla Dom kultury viarnuŭ hrošy za kvitki hledačam i vyrašyŭ bolš nie supracoŭničać z artystam.
«Luby DK pracuje pa nastupnaj sistemie: 80% hrošaj za kvitki artystu, 20% — zastajucca va ŭstanovie. My, kaniečnie, viarnuli ludziam hrošy za kvitki, ale jany ŭsio roŭna vielmi aburalisia, — skazała Alena Anatoljeŭna. — Paźniej Kalina źviartaŭsia da nas, ale my admovilisia».
Chto kankretna skazaŭ apošniaje słova i pažyćciova zabaniŭ śpievaka — miascovyja čynoŭniki ci sama jana, — dyrektarka vyrašyła nie ahučvać.
Toj złaščasny kancert musiŭ adbycca ŭ 2011 hodzie. Miascovaja presa pisała pra jaho: spačatku kancert zatrymlivaŭsia, paśla muzyki ŭsio ž pryjechali. Ale zamiest «šansańje» vystupaŭ zusim inšy muzyka. Rasčaravanyja ludzi sychodzili z zali.
Paźniej vyśvietliłasia, što zamiest Pružanaŭ Kalina vystupaŭ na dni narodzinaŭ u žonki rasijskaha «šansańje» Słavy Miadzianika ŭ kłubie apošniaha.
Paśla hetaha za apošnija 7 hadoŭ Kalina vystupaŭ u Pružanach tolki adnojčy. Sam jon nieadnarazova aburaŭsia «banam», nakładzienym na svaje vystupy, nazvaŭšy heta «złačynstvam, jakoje varta rasśledavać».
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary