Žančyny, dziciačyja piśmieńniki=piśmieńniki? Adkaža fiestyval «Znak roŭnaści»
Z 17 pa 19 listapada ŭ Minsku Sajuz biełaruskich piśmieńnikaŭ arhanizuje litaraturny fiestyval «Znak roŭnaści», jaki maje na mecie aktualizavać dziejnaść tych tvorcaŭ, jakija počastu vycisnutyja na pieryfieryju biełaruskaha litaraturnaha pracesu.
Fiestyval prapanuje źviarnucca da žanočaj prysutnaści ŭ sučasnaści i minułym biełaruskaj litaratury i teatru, abmierkavać prablemy «niestaličnych» piśmieńnikaŭ, a taksama razhledzieć asnoŭnyja sposaby havareńnia pra inšaść u dziciačaj litaratury. Akramia dyskusij, lekcyj i prezientacyj na hetyja dy inšyja temy, naviednikaŭ i naviednic čakajuć litaraturnyja čytańni i muzyčny vystup.
Piatnica (17.11)
18.00 — Adkryćcio fiestyvalu. Vystup arhanizataraŭ. Adkryćcio stenda z knihami biełaruskich piśmieńnic.
18.30—20.00 — Mižnarodny kruhły stoł «Chto tančyć na minnym poli i žyvie ŭ ružovym hieta: dyskusija na temu identyčnaści ŭ litaratury». Maderatarka — Volha Hapiejeva. Udzielnicy: Chejdzi Mary Kryźnik, Ulryka Kernborh, Valžyna Mort, Jula Cimafiejeva.
20.15—21.00 — Prezientacyja «žanočych» knih z vydavieckich sieryj «Sajuza biełaruskich piśmieńnikaŭ»: Valancina Aksak, Sabina Bryło, Nasta Kudasava, Ludmiła Rubleŭskaja, Ludka Silnova.
21.00—21.30 — Śpiecyjalnaja hościa — Palina Respublika.
Subota (18.11)
15.00—16.15 — «Biełaruskija piśmieńniki ŭ rehijonach: ci škodzić talentu pravincyja?» Maderatarka — Alena Brava. Vystupoŭcy: Taćciana Barysik, Anatol Brusievič, Tania Skarynkina.
16.30—17.30 — Lekcyja Hanny Jankuty «Litaratura — jana maja: biełaruskija piśmieńnicy XX—XXI st.».
17.40—18.20 — Prezientacyja antałohii biełaruskaj žanočaj paezii 1920-30-ch «Bliskavicy». Aksana Danilčyk i Viktar Žybul.
18.30—20.00 — «Bieznazoŭnaje: prezientacyja žanočaha dośviedu ŭ biełaruskaj humanitarnaj adukacyi». Maderatarka — Maryna Kazłoŭskaja. Vystupoŭcy: Alaksiej Bratačkin, Hanna Butyrčyk, Hanna Jankuta.
20.30—21.30 — Litaraturnyja čytańni: Taćciana Barysik, Anatol Brusievič, Volha Hapiejeva, Aksana Danilčyk, Taćciana Niadbaj, Taćciana Skarynkina.
Niadziela (19.11)
14.00—15.30 — «Seks i seksualnaść u biełaruskaj litaratury». Maderatarka — Tania Siacko. Vystupoŭcy: Alhierd Bacharevič, Alena Kazłova, Maryja Martysievič.
16.00—16.45 — Lekcyja Nadziei Kandrusievič-Šydłoŭskaj «Dośvied inšaści ŭ dziciačaj litaratury Šviecyi».
17.00—18.15 — Dyskusija «Žanočyja teksty i kanteksty ŭ biełaruskim teatry». Maderatarka — Tania Arcimovič. Vystupoŭcy: Valžyna Mort, Alaksiej Strelnikaŭ, Julija Čarniaŭskaja.
18.30—19.15 — Śpiektakl «Mova Ch» teatra «Hałava-naha» (pavodle Valžyny Mort, rež. Alaksiej Strelnikaŭ).
19.30—21.00 — Zakryćcio fiestyvalu. Litaraturnyja čytańni: Alhierd Bacharevič, Alena Kazłova, Maryja Martysievič, Valžyna Mort, Vika Trenas, Jula Cimafiejeva.
Kamientary