Źnikłaja dva z pałovaj hady tamu rabotnica viciebskaj chimii skončyła žyćcio samahubstvam
U aŭtorak na pavierchni Dźviny ŭ Viciebsku zaŭvažyli cieła patanułaj žančyny. Jak stała viadoma paźniej, jana ličycca bieź viestak źnikłaj z studzienia 2023 hoda.
Vykazvałasia mierkavańnie, što heta źnikłaja ŭ studzieni 2023 hoda viciebskaj papraŭčaj ustanovy adkrytaha typu (chimii) Taćciana Hudziełava.
Asobu žančyny žurnalistam Onlíner paćvierdziła aficyjnaja pradstaŭnica ASVOD Kaciaryna Michaleva.
«Zahinułaja — Taćciana Hudzieleva. Uviečary 31 studzienia 2023 hoda jana vyjšła z pracy, adkul źbirałasia nakiravacca dadomu, adnak tam tak i nie źjaviłasia. Jaje ślady zhubilisia ŭ rajonie Kiraŭskaha mosta. Zakłapočanyja svajaki źviarnulisia ŭ pravaachoŭnyja orhany, bo raniej z domu jana nie sychodziła, a napiaredadni źniknieńnia ni z kim nie kanfliktavała. Tady da pošukaŭ dziaŭčyny dałučylisia 70 čałaviek: vałanciory, supracoŭniki MNS, ASVOD i nieabyjakavyja žychary horada. Śpiecyjalna pryjechała pošukavaja hrupa ź Minska.
— Na moście ŭstalavanyja kamiery. Na zapisach bačna, što jana zajšła na most, ale nie vyjšła ź jaho. Papiaredniaja viersija taho, što adbyłosia — suicyd, adnak pakul niama zaklučeńnia sudova-miedycynskaj ekśpiertyzy, — raspaviała Kaciaryna.
Muž Taćciany — trenier-vykładčyk pa taekvando Alaksandr Hudzieleŭ. U siamji raście dačka.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary