A Litva zacikaŭlena ŭ spraščeńni vizavaha režymu z našaj krainaj. U Druskienikach adbyłasia sustreča premjeraŭ Litvy i Biełarusi.
Litva zacikaŭlena ŭ spraščeńni vizavaha režymu ź Biełaruśsiu
Pra heta na sustrečy ŭ Druskininkai z premjer‑ministram Biełarusi Siarhiejem Sidorskim zajaviŭ jaho litoŭski kaleha Hiedziminas Kirkiłas.
Kirkiłas miarkuje, što cana 60 eŭra za vizu ekanamična nie abasnavana. Adnak palityčnaje rašeńnie pa hetym pytańni pavinny pryniać usie krainy ES.
Padčas sustrečy premjery Litvy i Biełarusi abmierkavali pytańni bolš efektyŭnaha vykarystańnia kantejniernaha ciahnika «Vikinh». Siarhiej Sidorski cikaviŭsia taksama mahčymaściami pieravałki nafty praz Kłajpiedzki port, išła havorka pra investycyjny klimat u Biełarusi.
Taksama Sidorski zajaviŭ, što Biełaruś da 2015 hodu, raniej zaplanavanaha terminu, pabuduje pieršy z dvuch reaktaraŭ AES i, nia vyklučana, što častka elektraenerhii budzie pastaŭlacca ŭ Litvu. Pra heta paviedamlaje BIEŁTA
* * *
Partał delfi zaznačaje, što na sustrečy abmiarkoŭvałasia i mižnarodnaje stanovišča Biełarusi.
Kiraŭnik litoŭskaha ŭradu nazvaŭ hetuju sustreču vielmi siabroŭskaj, piša delfi.
Na dumku, Kirkiłasa, kantakty ź Biełaruśsiu, jakuju nazyvajuć apošnim apłotam dyktatury ŭ Eŭropie, niepaźbiežna, bo krainy abjadnoŭvaje niamała važnych pytańniaŭ.
«Ja razmaŭlaŭ pra heta z kancleram Niamieččyny Anhiełaj Merkiel, jakaja haściła ŭ Vilni.
Jana taksama pahadžajecca, što Biełaruś stupiła na šlach prahresu— zaprasiła naziralnikaŭ ABSE [na parlamenckija vybary ‑‑ NN], vyzvaliła palitviaźniaŭ», — skazaŭ H. Kirkiłas.
«Premjer Sidorski mnie skazaŭ, što jany puściać usich naziralnikaŭ, jakija tolki pahodziacca ŭdzielničać. Kali heta adbudziecca, heta budzie vielmi surjozny krok napierad», — adznačyŭ Kirkiłas.
Siarhiej Sidorski zaprasiŭ Hiedziminasa Kirkiłasa naviedać Miensk, padkreślivaje delfi.lt
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary