Na partuhalskim vostravie Madejra pry zaniatkach dajvinham zahinuła Maryna Babaryka — žonka staršyni praŭleńnia «Biełhazprambanka» Viktara Babaryki. Jak stała viadoma «NN», jana apynułasia zanadta blizka ad łodki, što pryviało da trahiedyi.
Ministerstva zamiežnych spraŭ Biełarusi zapeŭniła, što ambasada ŭ Ispanii ažyćciaŭlaje patrebnyja konsulskija pracedury.
Viadoma, što dajvinh — daŭniaje zachapleńnie siamji Babarykaŭ. Bankir pačaŭ zajmacca dajvinham ad 1999 hoda, na jaho rachunku bolš za 700 pahružeńniaŭ. Paśla zachapiłasia i jaho žonka Maryna.
«U nas zaŭsiody vychodziła tak, što zachapleńnie adnaho člena siamji pieradavałasia astatnim. Takaja ž historyja z dajvinham. Ja šmat raspaviadaŭ, jak heta vydatna i cikava, i my ŭsie pajšli na kursy dajvieraŭ. Ale dajvierami zastalisia ja i žonka. Dačce jon zusim nie spadabaŭsia. Jana abmiežavałasia adnoj abo dvuma pajezdkami, plunuła na hetuju historyju i skazała, što heta nie jaje. Syn vielmi dobra nyraje, ale nie vielmi časta. Jon nie mocna zachopleny dajvier. Nie viedaju čamu. Choć jon z zadavalnieńniem, kali jość mahčymaść, jeździć z nami», — raspaviadaŭ Babaryka ŭ intervju tut.by try miesiacy tamu.
Babaryka adznačaŭ, što navat płavaŭ, trymajučysia za płaŭnik akuły. Ale da pahružeńniaŭ jon zaŭsiody stavicca adkazna, ekstremałam siabie nie ličyć.
«Kala 90% maich apuskańniaŭ - safary. Što takoje safary ŭ dajvinhu? Heta kali vy pryjazdžajecie, siadajecie na karablik, jon sychodzić u adkrytaje mora i minimum tydzień, a lepš krychu bolš vy tam. U vyniku ty praktyčna apynaješsia ŭ hateli, dzie «ŭsio ŭklučana». Uklučany numar, ježa, dajvinh», - raskazvaŭ bankir.
Viktar Babaryka ŭznačalvaje «Biełhazprombank» ad 2000 hoda.
U 2014 hodzie «Naša Niva» nazyvała Babaryku «Miecenatam hoda» za hrandyjoznuju vystavu «Dziesiać stahodździaŭ mastactva Biełarusi», jakuju ad sakavika da lipienia prymaŭ Mastacki muziej. Vystavu dapamahaŭ arhanizavać «Biełhazprombank».
Uvohule, Babaryka viadomy svajoj cikavaściu da kultury. U kalekcyi banka bolš za 100 karcin, akramia taho, Babaryka dapamahaŭ teatralnamu prajektu «Teart», dabračynnym fondam.
Ciapier čytajuć
Siamju ź Minska buduć sudzić za zdradu dziaržavie i kantrabandu zbroi. Ich, padobna, zatrymali na miažy — voś što viadoma7
Kamientary