Zasnavalnik «Łabaratoryi Kaśpierskaha» Jaŭhien Kaśpierski zajaviŭ, što jaho kampanija hatova pradastavić amierykanskim uładam zychodny kod svaich prahram, kab raźviejać padazreńni ŭ supracoŭnictvie z rasijskimi uładami.
Akramia taho, Kaśpierski ŭ intervju Associated Press u čarhovy raz zajaviŭ, što hatovy dać pakazańni kamisii amierykanskaha Kanhresa i pieranieści častku raspracovak svajoj łabaratoryi na terytoryju ZŠA.
«Usio, što ja mahu zrabić, kab dakazać, što ŭ našych dziejańniach niama złoha namieru, ja zrablu», — padkreśliŭ Kaśpierski.
«Łabaratoryja Kaśpierskaha» - adzin ź viadučych vytvorcaŭ antyvirusnaha prahramnaha zabieśpiačeńnia ŭ śviecie, čyja pradukcyja pradstaŭlena ŭ tym liku na amierykanskim rynku.
U ZŠA «Łabaratoryju Kaśpierskaha» padazrajuć u suviaziach z rasijskimi ŭładami i śpiecsłužbami. Kampanija isnavańnie padobnych suviaziaŭ kateharyčna admaŭlaje.
U mai 2017 hoda kiraŭnik Ahienctva nacyjanalnaj biaśpieki ZŠA Majk Rodžers zajaviŭ u Sienacie, što śpiecsłužby vyvučajuć vykarystańnie praduktaŭ «Łabaratoryi Kaśpierskaha» amierykanskimi ŭradavymi strukturami. U červieni supracoŭnikaŭ kampanii apytali ahienty FBR, a nieŭzabavie paśla hetaha sienacki kamitet pa ŭzbrojenych siłach prapanavaŭ zabaranić vykarystańnie pradukcyi «Łabaratoryi Kaśpierskaha» u amierykanskich abaronnych strukturach.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi1
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary