Заснавальнік «Лабараторыі Касперскага» Яўген Касперскі заявіў, што яго кампанія гатова прадаставіць амерыканскім уладам зыходны код сваіх праграм, каб развеяць падазрэнні ў супрацоўніцтве з расійскімі уладамі.
Акрамя таго, Касперскі ў інтэрв'ю Associated Press у чарговы раз заявіў, што гатовы даць паказанні камісіі амерыканскага Кангрэса і перанесці частку распрацовак сваёй лабараторыі на тэрыторыю ЗША.
«Усё, што я магу зрабіць, каб даказаць, што ў нашых дзеяннях няма злога намеру, я зраблю», — падкрэсліў Касперскі.
«Лабараторыя Касперскага» - адзін з вядучых вытворцаў антывіруснага праграмнага забеспячэння ў свеце, чыя прадукцыя прадстаўлена ў тым ліку на амерыканскім рынку.
У ЗША «Лабараторыю Касперскага» падазраюць у сувязях з расійскімі ўладамі і спецслужбамі. Кампанія існаванне падобных сувязяў катэгарычна адмаўляе.
У маі 2017 года кіраўнік Агенцтва нацыянальнай бяспекі ЗША Майк Роджэрс заявіў у Сенаце, што спецслужбы вывучаюць выкарыстанне прадуктаў «Лабараторыі Касперскага» амерыканскімі ўрадавымі структурамі. У чэрвені супрацоўнікаў кампаніі апыталі агенты ФБР, а неўзабаве пасля гэтага сенацкі камітэт па ўзброеных сілах прапанаваў забараніць выкарыстанне прадукцыі «Лабараторыі Касперскага» у амерыканскіх абаронных структурах.
Цяпер чытаюць
Сталі вядомыя падрабязнасці пра трагедыю ў Полацкім манастыры9
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары