Расіяніна з Мачулішчаў, які працаваў электрыкам, адправілі ў калонію па трох палітычных артыкулах
Раман Шаркоў працаваў у Мінску і вобласці электрыкам і майстрам па дробных хатніх працах. Але нядаўна яго асудзілі за палітыку.
Раману Шаркову 35 гадоў. Ён грамадзянін Расіі, але доўгі час жыў у Беларусі. У 2009 годзе скончыў школу ў Мачулішчах, дзе вучыўся ў ваенна-патрыятычным класе. У 2014‑м атрымаў дыплом па спецыяльнасці «электразабеспячэнне» на энергетычным факультэце БНТУ.
На профільных сэрвісах мужчына прапаноўваў паслугі кур'ера і рознарабочага. Аднак асноўнай ягонай спецыялізацыяй была электрыка: ад мантажу праводкі да зборкі электрашчытоў у кватэрах і прыватных дамах.
Апошнім часам да затрымання ён працаваў ва ўніверсітэце МІТСО. Як вынікае з афіцыйных дакументаў аб закупках, там ён адказваў за сантэхнічныя, вентыляцыйныя і электратэхнічныя працы падчас капітальнага рамонту аднаго з вучэбных карпусоў.
Дакладная дата затрымання Рамана невядомая, але гэта адбылося ў сярэдзіне 2025 года.
Яго судзілі ў Мінскім гарадскім судзе адразу па некалькіх крымінальных артыкулах — ч. 1 і 2 артыкула 361‑4 КК (садзейнічанне экстрэмісцкай дзейнасці), ч. 1 арт. 130 КК (распальванне варожасці) і ч. 3 арт. 361 КК (заклікі да дзеянняў, якія наносяць шкоду Беларусі).
Шаркову прысудзілі калонію. Пагражала ад 1,5 да 7 гадоў, але дакладны прысуд невядомы.
«Наша Нiва» — бастыён беларушчыны
ПАДТРЫМАЦЬЦяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку3
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
но продолжают геноцид, наверно мазохисты...