Sutnaść u tym, što kali mužčyna zajmajecca seksam niekalki raz u tydzień, to ŭ jaho značna źnižajecca ŭzrovień homacysteinu. Heta złučeńnie ŭ kryvi čałavieka, jakoje źjaŭlajecca budaŭničym materyjałam dla białkoŭ, paviedamlaje MedDaily.
Prablemy pačynajucca pry jaho lišku — paškodžvajucca sasudy i pavyšajecca ryzyka ŭtvareńnia trombaŭ. Viadoma: vysoki ŭzrovień złučeńnia pavialičvaŭ ryzyku śmierci ad chvarob serca na 66%, a ryzyku insultu — amal na tracinu. Taksama homacystein nie raz źviazvali z rakam i chvarobaj Alchiejmiera.
Pazityŭny efiekt seksu dla mužčyn abumoŭleny tym, što mienavita ŭ mužčyn seks źviazany z palepšanaj cyrkulacyjaj kryvi i zdarovymi sasudami. A hetyja dva pakazčyki važnyja z punktu hledžańnia praduchileńnia ŭtvareńnia skapleńniaŭ homacysteinu. U ramkach apošniaha daśledavańnia navukoŭcy prasačyli za stanam bolš za 2000 mužčyn i žančyn 20-59 hadoŭ.
Akazałasia, mienš za ŭsio niebiaśpiečnaha złučeńnia było ŭ mužčyn, jakija zajmalisia seksam minimum dvojčy ŭ tydzień. A bolš za ŭsio — u mužčyn, jakija zajmalisia seksam radziej za raz u tydzień. Dla žančyn zaležnaść nie była aktualnaj. Darečy, raniejšaje daśledavańnie pakazała: seks dva razy na tydzień źnižaŭ ryzyku zabitych arteryj udvaja ŭ paraŭnańni z pałavym aktam radziej za raz na miesiac.
Jak nie chvalavacca i nie vyharać. Parady psichołaha praduktyŭnaści, jaki vykładaje amierykanskim vajskoŭcam
Niedachop vitaminu B12 — skrytaja pryčyna šmat jakich chvarob
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary