Zisier — abaroncam Asmałoŭki: «Znajšli mnie spadčynu! Navošta hetyja baraki ŭ centry?»
«Naša Niva» publikavała mierkavańnie mastactvaznaŭcy Siarhieja Chareŭskaha pra toje, čamu nie treba znosić Asmałoŭku, što praduhledžvaje prajekt zabudovy vulic za Opiernym teatram u Minsku.
Čytajcie: Piać pryčyn, čamu Asmałoŭka nie pavinna być źniesienaja
U internecie taksama razharnułasia kampanija pa zbory podpisaŭ, jakija majuć pasłać u Minharvykankam, z patrabavańniem zachavańnia rajona.
Ale isnujuć i inšyja punkty hledzišča na hetuju situacyju.
Tak, uładalnik partała «Tut.baj» vykazaŭ «Našaj Nivie» supraćlehłuju pazicyju.
«Zdajecca, ludzi prosta pajšli na pryncyp: kali ŭłada tak, to my tak — joj na złość. Nibyta ŭsio, što robiać ułady, abaviazkova kiepska. Rekanstrukcyja — kiepska. Chacia pa prajekcie ŭsie hetyja chibary pa pierymietry zachoŭvajucca, ale ŭsio adno kiepska. Darujcie, jany na 10-15 hadoŭ starejšyja za chruščoŭki. Znajšli mnie spadčynu! Ja razumieju, kali b tam źbiralisia znosić histaryčnyja damy na Internacyjanalnaj, ci Rakaŭskuju… Ja b haroj staŭ! A baraki hetyja… Nie viedaju, za što tut zmahacca?», — skazaŭ nam Zisier, padkreśliŭšy, što da ŭładaŭ jość i bolš aktualnyja pytańni.
Taksama Juryj vykazaŭsia pa hetym pytańni ŭ fejsbuku.
«Biełarusy nastolki kansiervatyŭnyja, što padymajuć lamant pry znosie luboha budynku. Pry hetym spakojna padtrymlivajuć znos chruščovak, jakija na 10 hadoŭ maładziejšyja za baraki na Asmałoŭcy. Mnie 57 hadoŭ, darujcie, ja ŭ takich barakach navat žyŭ! I jašče ja liču Minsk adnym z najzielaniejšych haradoŭ śvietu, i, da taho ž, nie baču ŭ prajekcie, kab źbiralisia śpiłoŭvać usie drevy. Voś vy, naprykład, viedali pra isnavańnie elektrastancyi da jaje znosu? A aŭtavakzał (Maskoŭski), moža, byŭ pryhažunom i raźmiaščaŭsia ŭ zručnym dla vandrovak z bahažom miescy? Byŭ by ja haradskim architektaram, ja b u pieršuju čarhu: 1) «sastaryŭ» budynki ŭ Trajeckim jakim-niebudź pakryćciom; 2) źnios by pačvarny hmach na Svabody, 17, jaki raśsiakaje stary horad napałovu, a zamiest jaho b adnaviŭ rynak, što isnavaŭ u Siaredniavieččy, dzie i trymali b stałuju prapisku našyja mastackija promysły dla turystaŭ i nie tolki; 3) rekanstrujavaŭ by pa starych malunkach abarončuju ścianu XII stahodździa na Niamizie: prajekt daŭno isnuje, ale čamuści nie ažyćciaŭlajecca; 4) prybraŭ by ŭvieś ruch pa Lenina ŭ tunel i zrabiŭ jaje piešachodnaj», — napisaŭ Zisier.
Kamientary