Navukoŭcy vyłavili rybu «biez tvaru», jakaja 150 hadoŭ ličyłasia źnikłaj
Aŭstralijskija daśledčyki złavili na hłybini 4000 mietraŭ vielmi niezvyčajnuju «rybu biez tvaru», piša Tut.by sa spasyłkaj na miascovy telekanał ABC.
U bujnoj ryby jość nozdry i nos, ale niama tvaru i nie vidać vačej. Daśledčyki miarkujuć, što jany raźmieščanyja pad skuraj.
Vydańnie nie pryvodzić nazvu vidu, adnak paviedamlaje, što ŭ minuły raz hetuju rybu bačyli ŭ 1870-ch hadach — tady jaje złaviła kamanda karvieta HMS Challenger. Paśla ekśpiedycyi nichto z hetaj rybaj nie sutykaŭsia, vid ličyŭsia źnikłym.
Niezvyčajnuju rybu znajšło Dziaržaŭnaje abjadnańnie navukovych i prykładnych daśledavańniaŭ u Aŭstralii padčas daśledavańnia «ŭschodniaj biezdani», jakaja raspaścirajecca ad paŭnočnaj Tasmanii da centralnaha Kvinsłendu.
Meta daśledavańnia — pošuk novych vidaŭ. Dla hetaha navukoŭcy pahruzili sietku z padvodnaj kamieraj, jakaja źniała dziŭnych vodnych nasielnikaŭ.
Kamientary