Tureckija prakurory zapatrabavali prysudzić isłamskaha prapaviednika Fietchułacha Hiulena, jaki abvinavačvajecca ŭ padrychtoŭcy vajennaha pieravarotu, na 3 623 pažyćciovyja źniavoleńni i jašče na 2 923 hady turmy.
Jak pieradaje tureckaje vydańnie Hurriyet, abvinavačvańnie taksama zapatrabavała pryznačyć Hiulenu štraf, ekvivalentny za 2,2 młn sutak turemnaha źniavoleńnia.
Usiaho Hiulen fihuruje jak hałoŭny padazravany ŭ 22 kryminalnych spravach, zaviedzienych u Turcyi paśla sproby putču ŭ lipieni 2016 hoda.
Fietchuła Hiulen ličycca ŭ Turcyi druhim pa ŭpłyvie čałaviekam paśla prezidenta Redžepa Taipa Erdahana i jaho hałoŭnym apanientam.
U minułym jon byŭ paplečnikam Erdahana, ciapier viadzie samotny ład žyćcia ŭ dobraachvotnym vyhnańni ŭ ZŠA.
Paśla niaŭdałaj sproby dziaržaŭnaha pieravarotu ŭ lipieni 2016 hoda Erdahan nazvaŭ Hiulena hałoŭnym zmoŭščykam.
Sam Hiulen, jaki pražyvaje ŭ ZŠA, kateharyčna admaŭlaje svaju datyčnaść da zmovy. Tym nie mienš tureckija ŭłady patrabujuć jaho ekstradycyi na radzimu i nazyvajuć jaho lidaram terarystyčnaj arhanizacyi.
Adrazu paśla putču tureckija ŭłady pačali maštabnyja čystki. Bolš za 80 tysiač čałaviek, siarod jakich vajskoŭcy, sudździ, dekany i vykładčyki univiersitetaŭ, žurnalisty pazbavilisia svaich pasadaŭ z-za padazreńniaŭ u padtrymcy Hiulena. Byli začynienyja bolš za dźvie tysiačy arhanizacyj, aryštavanyja bolš za 40 tysiač čałaviek.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary