«Bjuć i płakać nie dajuć!» Niekalki socień čałaviek pratestavali ŭ Pinsku FOTA, VIDEA
Karespandenty «NN» viaduć videaanłajn ź Pinska:
«Naša Niva» — bastyjon biełaruščyny
PADTRYMAĆBudynak vykankama ŭ Pinsku aharadzili parepanym mietaličnym parkanam. Siońnia a 12-j na centralnaj płoščy čakajecca narodny schod.
U lutym-sakaviku anałahičnyja akcyi prakacilisia pa haradach Biełarusi.
Napiaredadni Łukašenka, faktyčna, prypyniŭ dziejańnie dekreta №3 na hod. Ale apazicyja patrabujuć poŭnaj admieny dekreta. Učora ŭviečary sotni ludziej manifiestavali ŭ Maładziečnie. Nastroj ludziej byŭ taki: prypynieńnia dekreta mała, jaho treba admianiać, i ŭvohule patrebnyja novyja, svabodnyja vybary.
U Pinsku, jak i ŭ Maładziečnie dazvołu na mitynh nichto nie prasiŭ, akcyja projdzie ŭ formie narodnaha schodu.
Kab abiezhałović pratest, napiaredadni byŭ zatrymany i asudžany na 5 sutak aryštu fiermier ź Biarozy Alaksandr Kabanaŭ — farmalna, za arhanizacyju pratestaŭ u Breście. Za kraty adpravili i bieraściejskich anarchistaŭ, što ŭstali na čale demanstracyi ŭ horadzie nad Buham 5 sakavika.
U niadzielu anałahičnyja narodnyja schody majuć prajści ŭ Babrujsku (12:00), Oršy (13:00) i Rahačovie (16:00). 15 sakavika zapłanavany Marš niedarmajedaŭ u Minsku. Minharvykankam daŭ dazvoł na šeście, ale adpraviŭ pa zvykłym maršrucie ad Akademii navuk da Banhałor. Arhanizatary zajavili, što buduć prymać rašeńnie niepasredna na miescy. A 25 sakavika ŭ Minsku adbudziecca tradycyjny Dzień Voli.
Hetyja vystupy adbyvajucca na fonie hłybokaha ekanamičnaha kryzisu. VUP krainy ŭpaŭ na 6,6% za dva minułyja hady. Realnyja dachody nasielnictva — na 7% za apošni hod. Alaksandr Łukašenka zajaŭlaje, što heta časovyja ciažkaści, vyklikanyja suśvietnaj kańjunkturaj, i zachoŭvaje raniejšy palityčny i ekanamičny kurs.
Apazicyja, pazbaŭlenaja prava hołasu ŭ aficyjnych ŚMI i nie dapuščanaja ŭ orhany ŭłady, padtrymała stychijnyja vystupy, što prachodziać pad łozunhami «Basta!» i «My nie darmajedy».
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary