Viarchoŭny sud Vialikabrytanii zabaraniŭ premjeru krainy Terezie Mej pačynać praces vyvadu krainy ź Jeŭrapiejskaha sajuza biez zhody parłamienta, pieradajuć infarmahienctvy.
U sudzie patłumačyli, što pa zakonie zvyčajna ŭradu nie treba źviartacca da parłamienta ŭ vypadkach, kali patrabujecca madyfikavać dziejnyja pahadnieńni. Adnak u kankretnaj situacyi ŭchvaleńnie deputataŭ usio ž patrabujecca, bo Brexit, na dumku sudździaŭ, paŭpłyvaje na pravy brytancaŭ. U pryvatnaści, kraina i jaje žychary pierastanuć padpadać pad dziejańnie zakanadaŭstva ES.
Brytanski ŭrad rasčaravany rašeńniem Viarchoŭnaha suda pa pracedury Brexit, ale vykanaje jaho. Pra heta zajaviŭ siońnia hienieralny prakuror Anhlii i Uelsa Džeremi Rajt, kamientujučy vierdykt najvyšejšaj sudovaj instancyi.
Varta adznačyć, što sam praces vychadu Vialikabrytanii sa składu ES pad pytańnie nie staviŭsia i nie byŭ pradmietam sudovaha razhladu.
Miž tym u zajavie pradstaŭnika ofisa premjer-ministra havorycca, što brytanski ŭrad pa-raniejšamu płanuje zapuścić praces vychadu krainy ź ES da kanca sakavika i ŭ bližejšy čas vykładzie parłamientu płan nastupnych krokaŭ pa Brexit.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary