Вярхоўны суд Вялікабрытаніі забараніў прэм'еру краіны Тэрэзе Мэй пачынаць працэс вываду краіны з Еўрапейскага саюза без згоды парламента, перадаюць інфармагенцтвы.
У судзе патлумачылі, што па законе звычайна ўраду не трэба звяртацца да парламента ў выпадках, калі патрабуецца мадыфікаваць дзейныя пагадненні. Аднак у канкрэтнай сітуацыі ўхваленне дэпутатаў усё ж патрабуецца, бо Brexit, на думку суддзяў, паўплывае на правы брытанцаў. У прыватнасці, краіна і яе жыхары перастануць падпадаць пад дзеянне заканадаўства ЕС.
Брытанскі ўрад расчараваны рашэннем Вярхоўнага суда па працэдуры Brexit, але выканае яго. Пра гэта заявіў сёння генеральны пракурор Англіі і Уэльса Джэрэмі Райт, каментуючы вердыкт найвышэйшай судовай інстанцыі.
Варта адзначыць, што сам працэс выхаду Вялікабрытаніі са складу ЕС пад пытанне не ставіўся і не быў прадметам судовага разгляду.
Між тым у заяве прадстаўніка офіса прэм'ер-міністра гаворыцца, што брытанскі ўрад па-ранейшаму плануе запусціць працэс выхаду краіны з ЕС да канца сакавіка і ў бліжэйшы час выкладзе парламенту план наступных крокаў па Brexit.
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»59
Каментары