U Biełaviežskaj puščy na miažy Polščy i Biełarusi znajšli staražytnyja zbudavańni
Na polskaj častcy Biełaviežskaj puščy pablizu miažy ź Biełaruśsiu navukoŭcy znajšli kamiennyja kanstrukcyi vyšynioj u 20-30 santymietraŭ, paviedamlaje sajt nacyjanalnaha parka.
Nieviadomyja antrapahiennyja archieałahičnyja abjekty byli vyjaŭlenyja ŭ vyniku łaziernaha skanavańnia pavierchni puščy. Polskija navukoŭcy znajšli niedaloka ad dziaržaŭnaj miažy ź Biełaruśsiu liniejnyja, u asnoŭnym zamknionyja abjekty roznych pamieraŭ vyšynioj 20—30 santymietraŭ.
Častka skapleńniaŭ dadzienych abjektaŭ zajmajuć terytoryju ŭ dziasiatki kvartałaŭ i raźmieščanyja ŭ asnoŭnym na ŭzvyšanych miescach. Na niekatorych učastkach praviedzienyja archieałahičnyja pracy, što dazvoliła vyjavić kamiennyja kanstrukcyi šyrynioj kala dvuch mietraŭ. Jak miarkujuć polskija daśledčyki, hetyja rukatvornyja kanstrukcyi, chutčej za ŭsio, źjaŭlajucca reštkami miežaŭ sielskahaspadarčych paloŭ.
«Nie mienš cikavy toj fakt, što dadzienyja kanstrukcyi ŭ niekatorych miescach zalahajuć pad archieałahičnymi abjektami (mohilniki, kurhany i h. d.), datavanymi rańnim Siaredniavieččam (V—XII stahodździa n. e.), što kaža pra bolš rańniaje pachodžańnie», — paviedamlajecca na sajcie nacyjanalnaha parku «Biełaviežskaja pušča».
U bližejšaj budučyni navukoŭcy Polščy pasprabujuć vyśvietlić dakładnuju datyroŭku hetych abjektaŭ i ich funkcyi, a taksama detalova vyvučyć źmieściva ŭnutry liniejnych kanstrukcyj.
Kamientary