Pieryjad mocnych marazoŭ padychodzić da kanca, ale im na źmienu pryjduć śnieh, paryvisty viecier i zaviei. Pra heta TUT.BY raspavioŭ načalnik słužby mietearałahičnych prahnozaŭ Respublikanskaha centra pa hidramietearałohii Dźmitryj Rabaŭ.
Pieršuju pałovu tydnia ŭmovy nadvorja na terytoryi Biełarusi ŭ asnoŭnym budzie vyznačać vobłaść pavyšanaha atmaśfiernaha cisku, sfarmiravanaja ŭ chałodnaj pavietranaj masie.
10 studzienia, u aŭtorak, pieravažna biez apadkaŭ, tolki pa paŭdniovym uschodzie nievialiki śnieh. U asobnych rajonach słaby tuman, na darohach hałalodzica. Tempieratura nočču -11 — -17°S, pry prajaśnieńniach -18 — -24°S; dniom -6 — -12°S.
11 studzienia, u sieradu, pieravažna biez apadkaŭ. Na asobnych učastkach daroh hałalodzica. Tempieratura nočču -12 — -19°S, pry prajaśnieńniach -20 — -23°S, u asobnych rajonach pa paŭdniovym uschodzie -9 — -11°S; dniom -5 — -10°S.
Pačynajučy z čaćviarha ŭładu nad nadvorjem voźmie Atłantyčny cykłon z centram nad Skandynavijaj, jaho atmaśfiernyja franty buduć prachodzić praz našu krainu. Paŭnočnyja viatry źmieniacca na paŭdniova-zachodnija. Budzie syroje, vietranaje z apadkami nadvorje.
12 studzienia, u čaćvier, nočču ŭ asobnych rajonach, dniom na bolšaj častcy krainy karotkačasovy śnieh. U asobnych rajonach zavirucha, na darohach hałalodzica. Tempieratura nočču -7 -12°S; dniom -2 — -8°S, u krajnich zachodnich rajonach 0 — -1°S.
13 studzienia, u piatnicu, na bolšaj častcy terytoryi Biełarusi śnieh. U asobnych rajonach krainy miacielica, uzmacnieńnie vietru paryvami da 15-17 m / s, na darohach hałalodzica, Tempieratura nočču -1 -7 ° S, pry prajaśnieńniach da -13 ° S; dniom -5 — +1°S.
U vychodnyja na bolšaj častcy terytoryi krainy karotkačasovy śnieh. Na asobnych učastkach daroh hałalodzica. Tempieratura pavietra: u subotu nočču -1 — -8°S, pry prajaśnieńniach da -10°S; dniom -4 — +1°S. U niadzielu ŭnačy -3 — -10°S, pry prajaśnieńniach da -13°S; dniom -6 — +1°S.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary