Stvorany vyjavy dla pryzoŭ, jakija atrymajuć fundatary NN praz Tałaku-2016

Stvorana vyjava na padarunkavyja vyraby dla fundataraŭ NN praz Tałaku.

Ideja naležyć fatohrafu i kryejtaru Siarhieju Hudzilinu.

Na joj — barana, ź jaje niepaŭtornaj hrafikaj. Heta vyklučna mirnaja pryłada, joju varušać pieravoranuju nivu, kab ruń lahčej mahła prabicca na śviet. Pastaŭlenaja na rabro, viertykalna, barana pieratvarajecca ŭ niečakanuju mietafaru stojkaści i hatoŭnaści. U hetym simvale niama ahresii, ale jość ćviordaść. Jaje padkreślivaje i čyrvony nadpis «Barani svajo», hulnia słoŭ ad «Baranuj».

Akramia taho, pad łoha daŭniaj haziety raźmieščany radki z vierša adnaho z byłych redaktaraŭ «Našaj Nivy» Janki Kupały, nadrukavanyja ŭpieršyniu ŭ NN u 1913 hodzie: «Nie šukaj ty ščaścia, doli Na čužym, dalokim poli».

Hrafičnuju apracoŭku idei ažyćciaviŭ dyzajnier StK.

Vyjavu my źmieścim na chudzi, kubkach i natatnikach.

Kamu niedaspadoby hetaja vyjava, my prapanujem jak alternatyvu inšuju: u formie serca, z nadpisami: «maja, tvaja, kožnaja, ich, vaša…» i h.d. inšymi rodnymi zajmieńnikami.

Kali łaska, vaźmicie ŭdzieł u zbory srodkaŭ na niezaležny, biełaruskamoŭny partał i raskažycie pra heta svaim siabram. Infarmacyju, jak dałučycca, vy znojdziecie pad vyjavami.

Dziakujem usim, chto ŭžo dałučyŭsia, i tym, chto jašče dałučycca. Darečy, z zaklikam padtrymać «Našu Nivu» vystupili ŭ tym liku Vital Hurkoŭ i Alena Anisim. My hanarymsia našaj hramadzianskaj supolnaściu.

Važny etap

Kraŭdfandynhavy zbor hrošaj — važny etap u historyi «Našaj Nivy». My zaklikajem fundavać našy hramadska značnyja rasśledavańni.

Našyja čytačy i raniej dapamahali nam, ale ciapier, dziakujučy zručnaj placoŭcy «Tałaki» zbor hrošaj staŭ jašče lahčejšym.

Pavialičyć

Što takoje NN.by?

Heta najbujniejšaja ŭ śviecie biełaruskamoŭnaja placoŭka, jakuju štodnia naviedvajuć z 40 tysiač kampjutaraŭ i telefonaŭ — bolš, čym nasielnictva Navahrudka ci Hłybokaje z Pastavami razam uziataje.

Dla raźvićcia biełaruskaj movy žyćciova nieabchodna zachavać takuju prastoru.

«Naša Niva» adlustroŭvaje intaresy biełaruskaha hramadstva, a nie dziaržavy, svajoj ci čužoj.

Našy rasśledavańni

Rasśledavańni «Našaj Nivy» hod za hodam pieramahajuć u biełaruskich i mižnarodnych žurnalisckich konkursach.

Zhadajma niekatoryja ź ich tolki za apošni čas.

Hruntoŭnaje daśledavańnie «Chto choča zrabić ź Biełarusi Zachodniuju Rasiju» pryviało ŭ šał biełarusafobaŭ usich maściej i kalibraŭ.

«Naša Niva» pisała pra trenirovačnyja łahiery rasijskich nieanacystaŭ, kudy sprabavali zaciahnuć biełaruskich školnikaŭ, razabrałasia sa śvietapohladam «baciuški sa svastykaj».

My praciahvajem adsočvać majomaść čynoŭnikaŭ — niadaŭna vyličyli Natallu Kačanavu.

Sa svaimi prablemami ŭ «Našu Nivu» źviartajucca ludzi z usich kancoŭ Biełarusi. Sioleta, naprykład, žurnalisty raźbiralisia ź fieadalizmam u Kaściukovickim rajonie.

Čynoŭniki vymušanyja reahavać na rasśledavańni «Našaj Nivy».

Tałaka tady i ciapier

Našy prodki budavalisia tałakoj, staražytnym sposabam uzajemadapamohi. Ciapier, z prychodam najnoŭšych technałohij, udzielničać u tałace stała našmat praściej. Dastatkova mieć hrošy na kartcy.

Nieabyjakavyja biełarusy z achvotaj dapamahajuć hramadska važnym prajektam. Srodki na pajezdku Vitala Hurkova na čempijanat śvietu sabrali za ličanyja dni! Tałakoj vydavali pa-biełarusku «Chroniki Narnii», pierakładali «Śvinku Pepu».

Jak paŭdzielničać u zbory srodkaŭ?

Vielmi prosta. Adkryjcie na «Tałace» našu staronku. Unizie možna vybrać sumu dapamohi — ad 10 da 1000 rubloŭ. Ad hetaha zaležyć, jakuju ŭznaharodu vy atrymajecie: kubak z afaryzmam, ci bajku z afaryzmam, ci fotapracu Hudzilina. My hatovyja navat pasadzić bulbu na vašym aharodzie:).

Abiarycie patrebny varyjant (čym bolš, tym lepš!) i naciśnicie na jaho. Paśla treba budzie zarehistravacca na sajcie — pry žadańni dastatkova aŭtaryzavacca praz fejsbuk ci Ukantakcie — i ŭvieści dadzienyja svajoj bankaŭskaj kartki. Kali vy chočacie zrabić uniosak ananimna, nie zabudźciesia pastavić adpaviednuju ptušku.

• 0
• 0
• 0
• 0
• 0
• 0
• 0
• 0