Vice-premjerka Kačanava pačynaje budoŭlu katedža ŭ Drazdach FOTY
U šerahach žycharoŭ «Drazdoŭ-2» čakajecca papaŭnieńnie. Ziamlu pad budaŭnictva doma ŭ elitnym katedžnym pasiołku ŭ Minsku atrymała vice-premjerka Natalla Kačanava.
Čynoŭnicy vydzielili nadzieł pamieram kala 15 sotak miesiac tamu, rašeńniem Minharvykankama №3058 ad 13 kastryčnika 2016 hoda.
Nahadajem, ziamla pad budaŭnictva katedžaŭ u Minsku raźmiarkoŭvajecca nastupnym čynam: spačatku jaje musiać prapanavać šmatdzietnym siemjam z čarhi. Kali achvotnych niama, nadzieł vystaŭlajecca na aŭkcyjon.
Ni ŭ jakim pravavym akcie nie skazana, što vice-premjer Natalla Kačanava, jakaja pryjechała ŭ Minsk mienš za dva hady tamu, maje pieršasnaje prava na budaŭnictva ŭ stalicy.
Ad 1999 hoda ŭ Biełarusi isnuje śpiecyjalny słužbovy žyllovy fond. Byŭ składzieny śpis čynoŭnikaŭ, jakim vydzialajucca kvatery ci damy na čas pracy na peŭnaj pasadzie.
Kačanava razam ź siamjoj žyła ŭ takim katedžy ŭ Navapołacku, kali pracavała staršynioj harvykankama. Paśla adjezdu ŭ Minsk dom treba było vyzvalić.
A voś katedž u «Drazdach-2» zastaniecca z Kačanavymi nazaŭsiody. Ziamla vydzialałasia ŭ pažyćciovaje spadčynnaje vałodańnie.
Siamja Kačanavych — heta sama vice-premjerka i jaje muž Leanid. Da pierajezdu ŭ stalicu jon pracavaŭ fizrukom u Połackim handlovatechnałahičnym kaledžy. Abiedźvie dački vyjšli zamuž, starejšaja haduje dzicia.
Va ŭłasnaści Natalli Kačanavaj zastajecca baćkoŭskaja dvuchpakajoŭka ŭ centry Połacka.
Padčas kryzisu ŭ Biełarusi abvalilisia ceny na nieruchomaść. Ciapier za katedž u Drazdach składana atrymać $1 miljon. U abjavach ab prodažy tamtejšych damoŭ najčaściej paznačanyja $750—800 tysiač. Adnak i heta hihanckija hrošy. Dom Kačanavaj budzie kaštavać jak siaredni zarobak biełarusa za 175 hadoŭ.
Čytajcie taksama:
Historyja žyćcia Natalli Kačanavaj: jak valejbalistka z vodakanała stała samaj vysokapastaŭlenaj žančynaj Biełarusi
Ad Abielskaj da Jarmošynaj: uładalniki katedžaŭ u Drazdach, poŭny śpis
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary