Na «Minsk-Arenie» prajšoŭ hrandyjozny vystup «Okieana Jelzi» FOTA, VIDEA
Ukrainski hurt «Okiean Jelzi» sioleta zładziŭ vialiki hastrolny tur pa Biełarusi. Frontmen Śviatasłaŭ Vakarčuk razam sa svaimi muzykami daŭ kancerty va ŭsich abłasnych centrach Biełarusi. Tur skončyŭsia vialikim kancertam na «Minsk-Arenie».
Videarepartaž NN:
U adroźnieńnie ad minułaha kancerta, hetym razam dazvalałasia pranosić ukrainskija ściahi.
Śviatasłaŭ Vakarčuk amal paśla kožnaj pieśni dziakavaŭ biełarusam za padtrymku i ciopły pryjom. «Ja adčuvaju vašu padtrymku biez słovaŭ, tamu mnie nie treba niešta kazać pamiž pieśniami, ja dumaju, što i tak usio zrazumieła».
Padtrymka była sapraŭdy mocnaj, jašče pierad kancertam maładziony pačali plaskać u dałoni.
Poŭnaja «Minsk-Arena» lepš za ŭsio apisvaje ŭnutranuju pazicyju biełarusaŭ. Heta vam nie sustreča z Sałaŭjovym u Pałacy Respubliki, sami pahladzicie:
Ahułam kancert atrymaŭsia davoli ščyrym, adno ŭzhadvańnie pra Paŭła Šaramieta šmat čaho varta. Naprykancy na ekranie źjaviŭsia nadpis: «Dziakuj Biełarusi za padtrymku». I hetym było ŭsio skazana.
Kamientary